ଭାବିଚିନ୍ତି ନେବା ଶେଷ ନିଷ୍ପତ୍ତି
ଭାବିଚିନ୍ତି ନେବା ଶେଷ ନିଷ୍ପତ୍ତି
ଆମ ଜୀବନରେ କେତେ ଯେ ସମସ୍ୟା,
ଉପନୀତ ହୁଏ ସମୟ ସାଥେ ।
ସେ ସବୁ ସମସ୍ୟା ହୁଏ ସମାଧାନ,
ଆଉ ପୁଣି ବାକି ରହଇ କେତେ ।।
ସମାଧାନ ପାଇଁ ଚତୁରତା ସହ,
ଆମେ ନେଇଥାଉ ଆମ ନିଷ୍ପତ୍ତି ।
ସେ ନିଷ୍ପତ୍ତି କେବେ ପହଞ୍ଚାଏ ଲାଭ,
ଆଉ ପୁଣି କେବେ କରଇ କ୍ଷତି ।।
ନିଷ୍ପତ୍ତି ଘେନିବା ସମୟରେ ଯେବେ,
ବିଚାର କରିବ ସ୍ଥିର ଚିତ୍ତରେ ।
ବିପଦ କେବେ ବି ନ ମାଡିବ ପାଶ,
ଅକ୍ଷରେ ଅକ୍ଷରେ ଏହା ସତରେ ।।
ସଠିକ୍ ନିଷ୍ପତ୍ତି ଆମ ଜୀବନରେ,
ବଦଳାଇ ଦିଏ ଭାଗ୍ୟରେଖାକୁ ।
ଭୁଲ୍ ନିଷ୍ପତ୍ତି ହିଁ ଠେଲି ଦେଇଥାଏ,
ଅନ୍ଧାର ମଧ୍ୟରେ ଆମ ଭାଗ୍ୟକୁ ।।
ତରବରିଆରେ କୌଣସି ନିଷ୍ପତ୍ତି,
ଥରାଇ ଦିଅଇ ଆମର ଛାତି ।
ଶାନ୍ତ ମନରେ ହିଁ ନିଷ୍ପତ୍ତି ଘେନିବା,
ଭାବିଚିନ୍ତି ନେବା ଶେଷ ନିଷ୍ପତ୍ତି ।।