ମନରେ ନ ରଖ ଭୟ
ମନରେ ନ ରଖ ଭୟ
ସଂଘର୍ଷରେ ଭରା ଆମ ଏ ଜୀବନ
ଅଛି ଘାତ ପ୍ରତିଘାତ ।
ବିନା ସଂଘର୍ଷରେ ଏଇ ଜୀବନଟା
ହୁଏ ନାହିଁ ଜନାଦୃତ ।।
ସଂଘର୍ଷର ସାମ୍ନା କରିବାକୁ ହେଲେ
ଭୟ କୁ ନ ଆଣ ମନେ ।
ଭୟାତୁର ହୋଇ ଲଢୁଥିବ ଯେବେ
ପରାଜିତ ହେବ ଦିନେ ।।
ଆମ ଏ ମନରେ ରହେ ଯେବେ ଭୟ
ଭାଙ୍ଗିଯାଏ ମନୋବଳ ।
ସେଥିପାଇଁ ସିନା ପରାଜୟ ଲଭି
ହେଉ ଆମେ ଅସଫଳ ।।
ମନ ଦୃଢ କରି ନିର୍ଭୀକ ହୃଦୟେ
ସାମ୍ନା କର ସଂଘର୍ଷକୁ ।
ତେବେ ତୁମେ ନିଶ୍ଚେ ପାରିବ ହିଁ ଜିତି
ଆମ ଏଇ ଜୀବନକୁ ।।
ପ୍ରତି ପରୀକ୍ଷାରେ ଦୂରାଅ ଭୟକୁ
ହୋଇବ ଜୟ ହିଁ ଜୟ ।
ସଫଳତା ଶିଡି ଚଢିବାକୁ ହେଲେ
ମନରେ ନ ରଖ ଭୟ ।।