ଜାଣି ଜାଣି ମୁହିଁ ଦାନ କରିଥାଏ
ଜାଣି ଜାଣି ମୁହିଁ ଦାନ କରିଥାଏ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ଶବ୍ଦରୁ ସୃଜନ-20. ଗୋମାତା :
ଦିନେ ଘୁଷୁରୀଟି କହିଲା ଗାଈକୁ ପଚାରିବି କଥାଟିଏ,
ତମେ ତ ଯେମିତି ମୁଁ ବି ସେମିତି ଘରେ ପୋଷାହେଇ ରହେ |
ମଣିଷ କାହିଁକି ତମକୁ ଏମିତି ପୂଜାକରି ଭଲପାଏ ?
ମୋତେ କିଆଁ ପୁଣି ଘୃଣା କରନ୍ତି ସେ ମୋର ମାଂସକୁ ଯେ ଖାଏ |
ତୁହିଦେଉ କ୍ଷୀର ମୁଁ ଦେଉଛି ମାଂସ ମୋ ତ୍ୟାଗ ମଣିଷ ଜାଣେ,
ତଥାପି କାହିଁକି ଏମିତି ଅନ୍ୟାୟ କରୁଛି ମଣିଷ ଶୁଣେ |
ହସିକହେ ଗାଈ ଜୀବଥାଉଁ ମୁହିଁ ମଣିଷକୁ ଦିଏ କ୍ଷୀର,
ଜୀବ ଗଲାପରେ ଜାଣି ପାରୁଛୁ କି' କିଏ ମାଂସ ଖାଏ କା'ର ?
ଜାଣି ଜାଣି ଯିଏ ଦାନ କରିଥାଏ ଧାର୍ମିକ ଭାବରେ ଗଣା,
ମଲାପରେ କିଏ କାହାର ନେଉଛି ମଲାଲୋକକୁ ଅଜଣା |
ସରମ ମୋ ମନ ନିର୍ଭୀକ ଭାବରେ ମଣିଷ ପାଖରେ ରହେ,
ମୋର ମନ ଜାଣି ମଣିଷ ଆଦରେ ଗୋ-ମାତା କହୁଥାଏ |