ଇନ୍ଦ୍ରଧନୁ
ଇନ୍ଦ୍ରଧନୁ
ଏ ଧରା ବୁକୁରେ ଖରା ପଡ଼ିଅଛି
ଝରିଆସେ ଟୋପା ବିନ୍ଦୁ,
ଆଷାଢ଼ ଶ୍ରାବଣେ ଗଗନରୁ ଖସି
ଗଢିତୋଳେ ସାତ ସିନ୍ଧୁ l ୧ l
ଲୁଚି ଖେଳେ ଧୂଆଁ ଧୂଆଁ ବାଦଲରେ
ବିଜୁଳି ଆଲୁଅ ଧରି ,
କେଁ - କଟର ସାଥେ ଘଡଘଡି ବାଜା
ଭେକ ମାନେ ନୃତ୍ୟ କରି l ୨ l
ସାରୁ ଗଛମୂଳେ ବେଙ୍ଗ ରାଜା ବସି
କେଁ - କେଁ କରେ ସ୍ୱର,
ବେଙ୍ଗୁଲି ରାଣୀଟି ରହିରହି କାନ୍ଦେ
ଯିବ ଆଜି ଶାଶୁ ଘର l ୩ l
ବରଷା ସାଥେ ଆଙ୍କିଛି ଗଗନେ
ଇନ୍ଦ୍ରର ଦେବତା ଧନୁ,
କେତେ ମନୋହର ରଙ୍ଗ ବେରଙ୍ଗର
ଭୁଲି ହୁଏ ନାହିଁ ମନୁ l ୪ l
ସାତ ଗୋଟି ରଙ୍ଗହୋଇ ଏକାଠି
ବାଇଗଣୀ, ହଳଦିଆ.,
ଘନନୀଳ, ଲାଲ୍, ସବୁଜ, ନାରଙ୍ଗୀ
ନୀଳରଙ୍ଗ ଶୋଭା ଆହା l ୫ l
ଇଦ୍ରର ଦେବତା ହାତେ ଧନୁ ଧରି
ବୁଲନ୍ତି ମହୀ ମଣ୍ଡଳ,
ଶୋଭା ସଂପଦରେ ହସି ଉଠେ ମହୀ
ଭରନ୍ତି ଧରଣୀ କୋଳ l ୬ l