ପାର୍ବଣେ ନବଦୁର୍ଗା

    କା' ଆଗମନେ ଏତେ ଚଳଚଂଚଳ 

    କାହା ପରଶେ ଧରଣୀ ହସୁଛି 

 ମେଘଟା ବି ଟିକେ ବରଷି କହୁଛି

     ତୁମ ସ୍ୱାଗତେ ମୁଁ ଆସି ଯାଇଛି ।

 ନଦୀପଠା ଆଉ ବିଲ ହୁଡା ପରେ 

     କାଶତଣ୍ଡି ମୁକସାକ୍ଷୀ ହୋଇ ରହିଛି 

 ପାର୍ବଣର ବେଳା ଉପନୀତ ଏ'ତ 

     ଶିଶିର ଟୋପା ବି କହୁଛି ।

 ପିତୃତର୍ପଣ ଗୃହବଧୁ ସାରି

      ଦୁର୍ଗା ଆବାହନ କରୁଛି 

 ଯା ଦେବୀ ସର୍ବ ଭୁତେଷୁ ଓଁ କାରେ 

      ଚତୁର୍ଦିଗ ପ୍ରକମ୍ପିତ ହେଉଛି । 

 କରୁଣାମୟୀ କରୁଣାରୁ କାଣିଚାଏ ମିଳିଗଲେ

      ଏ ଜୀବନ ହେବ ଧନ୍ୟ

 ଜଗତ କଲ୍ୟାଣ ନିମିତ୍ତ ଭୋ ମାତଃ 

      ଶ୍ରୀ ଚରଣେ ଜଣାଏ ଶ୍ରଦ୍ଧା ସୁମନ । 

 ଫେଡବାରେ ଦୁଃଖ ଜଗତ ଜନନୀ

      କରୁଣ କଣ୍ଠରେ ଡାକେ 

 ମୋ ଜ୍ଞାନ୍ତି ପରିଜନ ସର୍ବସୁଖେ ଥାନ୍ତୁ 

       ସଦା ଥାଅ ତାଙ୍କ ପାଖେ ।