ଭିଜା ଶ୍ରାବଣ ବତୁରା ମନ

ଶ୍ରାବଣ  ଛିଟା ରେ 

ବତୁରି ଯାଇଥିବା ସେଇ

ଅମାନିଆ ମନ କୁ 

ତୁମକୁ ଦେଇ ସାରିବା ପରେ

ଆଉ ଶ୍ରାବଣ ଭିଜାଉନି

ଭିଜୁଛି ଏବେ ବଦନାମ ର ବର୍ଷାରେ ।

ସ୍ଵପ୍ନଭିଜା ମନରେ ତମେ ଥରେ ଆସିଗଲେ

ବେକାବୁ ମନକୁ ଆହୁରି ମୁକୁଳିତ କରିଦିଏ

ପାଇବାକୁ ତୁମରି ସାନ୍ନିଧ୍ୟ ।

ସୁଉଚ୍ଚ ପାହାଡ ରେ ଘୁରି ବୁଲୁଥିବା 

ସେଇ ମେଘକୁ ପଚାର ତାର ଠିକଣା

ସେ କି ପାରିବ କହି  କା ' ଲାଗି ସେ ଆନମନା ।

ସାରା ସୃଷ୍ଟି ଯେପରି ଭିଜୁଛି, ମୁଁ ବି ଭିଜୁଛି

ଭିଜିବାରେ ନାହିଁ କିଛି କଟକଣା ।