ହିସାବ
ହିସାବ
1 min
567
ଦିନକୁ ଦିନ ଯେ ବଦଳି ଗଲାଣି
ମନୁଷ୍ୟର ମାନବିକତା
ପଶୁ ଠାରୁ ହୀନ ବୁଦ୍ଧି ହୁଏ ତାର
କାର୍ଯ୍ୟ ତାର ଅସୁରତା ।
ଚାରି ଆଡ଼େ ଖାଲି ନାରୀ ନିର୍ଯ୍ୟାତନା
ନିଆଁରେ ଯାଉଛି ଜଳି
କାମନା ବାସନାରେ ଯାଇଛି ଆଜି
ମାନବିକତାକୁ ଭୁଲି ।
ମଣିଷ ଧର୍ମର ପଥ ଭୁଲି ଯାଇ
ଅନ୍ୟାୟ ଅନୀତି କରେ
ମିଥ୍ୟା ବଚନ ଦେଇ ସମାଜେ ରହି
ସମାଜେ କଳଙ୍କ ଭରେ ।
ଦିନେ ଥିଲା ଭାରତର ପରମ୍ପରା
ଦୟା କ୍ଷମା ନ୍ୟାୟ ଧର୍ମ
ହେଲେ ଆଜିକାଲି ତାହା ଦିଶେନାହିଁ
ଦିଶେ ପଶୁ ତୁଲ୍ୟ କର୍ମ ।
ସାହାଯ୍ୟ ସହଯୋଗ ଯାଇଛି ଭୁଲି
ମଣିଷ ପଣିଆ ଭୁଲି
ମାନବିକତା ବୋଲି ଧର୍ମ ଟି ଆଜି
ମିଥ୍ୟାରେ ଖେଳୁଛି ହୋଲି।