ହିସାବ

ମଣିଷ ଜୀବନ ଦୁର୍ଲ୍ଲଭ ଜନମ

ପାଇ ଅଛି ଏକା ମୁହିଁ

ଏକା ଏକା ବଞ୍ଚୁଛି ନିଃସଙ୍ଗତାରେ 

କେତେ ଦୁଃଖ ପାଏ ମୁହିଁ ।।

ସାଥିଟିଏ ଖୋଜା ପଡେ ମୋ ଜୀବନେ

ଜୀବନ ଜୀଇଁବା ପାଇଁ

ସାଥି ବିନା ଜୀବନ ମନ ମାନେନା 

ଅଧା ଲାଗେ ତାହା ପାଇଁ ।।

ସଂସାର ଭିତରେ ଘରଟିଏ କଲେ 

ସାଥିଟିଏ ଦରକାର

ନିଃସଙ୍ଗତାରେ ଜୀବନ ବିତେଇବା 

ମନରେ ଲାଗେ ଜହର ।।

ମଣିଷ ଜୀବନ ବଞ୍ଚିବାକୁ ହେଲେ

ବନ୍ଧୁତା ହେବାକୁ ହୁଏ

ଜୀବନ ସାର୍ଥକ କରିବା ପାଇଁ ଯେ

ବନ୍ଧୁତା ଜରୁରୀ ହୁଏ।।

ନିଃସଙ୍ଗତା ଅଟଇ ଅନ୍ଧାରମୟ

ନିର୍ଜୀବ ଆତ୍ମାର ଘର

ନିଃସଙ୍ଗତା ପର କରିଦିଏ ଦିନେ

ସମାଜରେ ଅଧିକାର ।।