ଲାଇବ୍ରେରୀ
ପ୍ରୋଫାଇଲ୍
କାଶତଣ୍ଡୀ ଫୁଲ
କାଶତଣ୍ଡୀ ଫୁଲ
1 min
302
ଧବଳ ଫର ଫର କାଶତଣ୍ଡୀ ଫୁଲ
ନଈ ଧାରେ ଧାରେ ହସେ
କଳା ମେଘ ଆଉ ନାହିଁ ଏବେ
ଆକାଶ ନିର୍ମଳ ଦିଶେ ।।
ଜହ୍ନ ଢାଳି ଦିଏ ରୂପେଲି ଜୋଛନା
ଧରଣୀରେ ରାତି ସାରା
ମନ କିଣିନିଏ କାଶତଣ୍ଡୀ ଫୁଲ
ସବୁଜ ସୁନ୍ଦର ଭରା ।।
ଭ୍ରମି ବୁଲେ ପ୍ରଜାପତି ଯେତେ
ତୋ ପିଠେ ବସି ନାନାଗୀତ ଗାଇ
ଯୁଇ, ଯାଇ,ସେବତୀ,ମାଳତୀ,
ଫୁଟି ବାସେ, ଦିଗ ଚହଟଇ ।।
ଶାରଦୀୟ ସମାହାରେ ଦିଶଇ ଶୋଭା
ମନ ମୋହିନିଏ ଦେଖି ଅପୂର୍ବ ଆଭା
କାଶତଣ୍ଡୀ ତୁମ ଆଗମନେ
ଖୁସିର ଲହରୀ ଖେଳିଯାଇ
ଭରିଯାଏ କୌତୁହଳ ମନେ।।
ତୋ ଗୁଣ ଗାଇବେ କେତେ ଯେ
ପଶୁ ପକ୍ଷୀ ନରନାରୀ
ଶରତେ ତୁମର ଆଗମନ ହୁଏ
କାଶତଣ୍ଡୀ ତୁମେ ଅପୂର୍ବ ସୁନ୍ଦରୀ।।
