ହିସାବ
ହିସାବ
କେତେ ଦୁଃଖ କଷ୍ଟ ସହି ଜନ୍ମ ଦେଇ
ଦୁନିଆ ଦେଖାଏ ଆମକୁ
ସେହି ସନ୍ତାନ ବଡ଼ ହେଇ କଟୁ
କଥା କହି ଦିଏ ମାଆକୁ ।
ଟିକେ କଥା କୁ ନେଇ ଭାଇ ଭାଇ
ଭିତରେ ଝଗଡା ହୁଏ
ବୁଝାମଣା ନ ହୋଇ ମାନ ଅଭିମାନ
ନିଜ ନିଜ ଭିତରେ ହୁଏ ।
ମାଆ ବାପା ଦୁହେଁ ମିଶି କେତେ କଷ୍ଟ
କରନ୍ତି ସନ୍ତାନ ପାଇଁ
ଲୁହକୁ ପାଣି ଭାବି ପିଇ ଚାଲନ୍ତି
ସନ୍ତାନ ଭବିଷ୍ୟତ ପାଇଁ ।
ସେହି ସନ୍ତାନ ବଡ଼ ହେଇ ତ୍ୟାଗୀ ଦିଏ
ସ୍ତ୍ରୀ ର କାଠ ପିତୁଳା ହୋଇ,
ସ୍ୱାମୀ ସ୍ତ୍ରୀ ସମ୍ପର୍କରେ ଫାଟପଡି ଯାଏ
ଛୋଟ ଛୋଟ କଥାକୁ ନେଇ ।
ଟିକିଏ କଥାରେ ମହାଭାରତ ହୋଇଥିଲା
କୌରବ ପାଣ୍ଡବ ଭିତରେ,
ନିଜ ରକ୍ତ ନିଜକୁ ଧୋକା ଦେଇଥିଲା
ନିଜ ସାମ୍ରାଜ୍ୟ ଅଧିକାରେ ।