ମାନବିକତା
ମାନବିକତା
ଏ ବିଶ୍ଵେ ମାନବ
ଅଟେ ଶ୍ରେଷ୍ଠ ଜୀବ
ଅମୃତର ସେ ସନ୍ତାନ
ସର୍ବ ସଦଗୁଣ
ଭରି ଭଗବାନ
ମାନବେ କଲେ ନିର୍ମାଣ ।
ଦୟା ପବିତ୍ରତା
ପ୍ରେମ ସୁଶୀଳତା
ସନ୍ତୋଷ ଈଶ୍ଵରଭକ୍ତି
ଆତ୍ମନିୟନ୍ତ୍ରଣ
ସୁବିଚାର ପଣ
ସଂକଳ୍ପ ସାଧୁତା ଶାନ୍ତି ।
ଧୈର୍ଯ୍ୟ ବିନମ୍ରତା
ସେବା ସଂଯମତା
ଯୋଗ ସହନଶୀଳତା
ସ୍ଵାଧ୍ୟାୟ ଆଚାର
ପରଉପକାର
ଆତ୍ମନିର୍ଭରଶୀଳତା ।
ସ୍ଥିତପ୍ରଜ୍ଞ ବୁଦ୍ଧି
କଉଶଳ ସିଦ୍ଧି
ମାନବୀୟ ମୂଲ୍ୟବୋଧ
ଦିବ୍ୟ ଶ୍ରଦ୍ଧାଚାର
ଭାବ ଶିଷ୍ଟାଚାର
ବିଚାର ଶୃଙ୍ଖଳା ବୋଧ ।
ସହିଷ୍ଣୁ ସଂଯମ
ନିତ୍ଯ ପରିଶ୍ରମ
ସତ୍ୟ ଧର୍ମ ନ୍ୟାୟ ବଳେ
ତ୍ୟାଗ ତିତିକ୍ଷାର
ଅବତାର ନର
ଶ୍ରେଷ୍ଠ ଭବଭୂମିତଳେ ।
ପ୍ରଥା ପରମ୍ପରା
ପ୍ରୀତି ଭାଇଚାରା
ସଂସ୍କାର ମଣିଷପଣ
ଦେବତ୍ଵ ଆଧାର
ଗୁଣବତ୍ତା ସାର
ବିଭୁଦତ୍ତ ସଦଗୁଣ ।
ଧରାରେ ଅପୂର୍ବ
ହେବ ନୂଆସ୍ଵର୍ଗ
ମାନବିକତା ପରଶେ
ମାନବ ଧରମ
ମାନବ କରମ
ମାନବିକତାର ବାସେ ।
ଏ ବିଶ୍ଵ ଜଗତ
ସୃଷ୍ଟି ମୂଳ ତତ୍ତ୍ଵ
ମାନବ ବୁଝିପାରଇ
ଅମୃତ ସନ୍ତାନ
ଦିବ୍ଯ ପ୍ରଦର୍ଶନ
ମାନବିକତା ବୋଲାଇ ।
ଵଞ୍ଚି ନିଜ ପାଇଁ
ଅପରେ ବଞ୍ଚାଇ
ରଖିବା କର ଶପଥ
ମାନବିକତାର
ଆମେ କର୍ଣ୍ଣଧାର
ଅଶ୍ଵ ପ୍ରଗତିର ରଥ ।
ସୃଷ୍ଟି ଉରସରେ
ପ୍ରୀତି ସରସୀରେ.
ଫୁଟିବ ସ୍ୱର୍ଣ୍ଣ କମଳ
ମାନବିକତାର
ଦିବ୍ୟ ଓଁକାର
ଧ୍ଵନୀ ହୋଇବ ସଫଳ ।
ଗୋପବନ୍ଧୁ ବୁଦ୍ଧ
ଯୋଗୀ ଅରବିନ୍ଦ
ସ୍ଵାମୀଜୀ ବିବେକାନନ୍ଦ
ପରିବର୍ତ୍ତିନର
ଥିଲେ ସୂତ୍ରଧର
ମାନବର ମଧ୍ୟେ ସାର ।
ମହାତ୍ମା ଚୈତନ୍ୟ
ନାନକ ଅନନ୍ୟ
ସନ୍ଥ କବୀର ତୁଳସୀ
ମାନବ ଧର୍ମର
କରିଲେ ପ୍ରଚାର
କାଳବକ୍ଷେ ଅବିନାଶୀ ।