କାଶତଣ୍ଡୀ
କାଶତଣ୍ଡୀ
ସମୟାନୁକ୍ରମେ ଧରା ପୃଷ୍ଠେ ହୁଏ
ଋତୁ ଚକ୍ରର ପରିବର୍ତ୍ତନ
ଗ୍ରୀଷ୍ମ, ବର୍ଷା,ଶରତ,ହେମନ୍ତ, ଶୀତ,
ବସନ୍ତ କରନ୍ତି ଆଗମନ ।
ଶରତ ପଦାର୍ପଣେ ଧରଣୀରେ
ଶୋଭେ ଅପୂର୍ବ କାଶତଣ୍ଡୀ ଫୁଲ
ଶୁଭ୍ର ରଙ୍ଗ ଧରି ପ୍ରକୃତିରେ ବୁଣେ
ବିସ୍ମୟ ମାୟାଜାଲ ।
କାଶତଣ୍ଡୀର ସୌନ୍ଦର୍ଯ୍ୟ ବିଧାତାଙ୍କ
ସୃଷ୍ଟିର ଅପୂର୍ବ ଦେୟ
ଧବଳ ବର୍ଣ୍ଣେ ଦିଶେ ଅପରୂପା
ଜିଣିନିଏ ସଭିଙ୍କ ହୃଦୟ ।
ରାସ୍ତାକଡ, ଶସ୍ୟକ୍ଷେତ, ନଦୀତଟ
ଦିଶୁଅଛି ଶୁଭ୍ର ବର୍ଣ୍ଣ
ବାଃ କି ସୁନ୍ଦର ମୁଖୁ ବାହାରେ
ମନଲୋଭା ଦୃଶ୍ୟ ସୁବିସ୍ତୀର୍ଣ୍ଣ ।
ମୃଦୁ ପବନେ ଦୋଳାୟିତ ଦେଖି
ଦଣ୍ଡେ ଅଟକି ଯାଏ ପଥିକ
ଦିବ୍ୟ ସୌନ୍ଦର୍ଯ୍ୟକୁ କଏଦ କରେ
ଯନ୍ତ୍ର ମୋବାଇଲ ନାମକ ।
ମା’ଦୁର୍ଗାଙ୍କ ଆଗମନ ବାରତା
ନେଇ ଆସିଛି ଧରିତ୍ରୀ ରାଣୀ
କାଶତଣ୍ଡୀ ସ୍ପର୍ଶେ ଧରାବତରଣ
କରନ୍ତି ମାଆ ଜଗତ୍ ଜନନୀ ।