ପ୍ରାର୍ଥନା

ହେ ପ୍ରଭୁ ମଙ୍ଗଳମୟ ମମ ପ୍ରାଣେଶ୍ୱର

ଶୁଭେ କଟିଯାଉ ଆଜି ଦିନଟି ମୋହର

ବାଢ଼େ ଶ୍ରୀପଦେ ପ୍ରଣତି

ପଦେ ପଦେ ସାହା ହୁଅ ପ୍ରଭୁ ବିଶ୍ୱପତି ।

ମନ ହେଉ ଫୁଲ ସମ କୋମଳ ବିମଳ

ହୃଦେ ଭରିଦିଅ ସତ୍ୟ ଶାନ୍ତି ପ୍ରେମ ବଳ

କରି ପର ଉପକାର,

ଦୁଃଖୀ ଦୁଃଖେ ବହୁ ମୋର ନେତୃ ଅଶ୍ରୁଧାର ।

ସତସଙ୍ଗ ସତସେବା ସତ ଆଲୋଚନା

ଭାଗବତ ଧର୍ମଶାସ୍ତ୍ର ସାହିତ୍ୟ ଅର୍ଚ୍ଚନା

ଦେଶ ଦଶର ଚିନ୍ତନ

ଶ୍ରେୟ ହେଉ ବିଭୁନାମ ଶ୍ରବଣ ମନନ ।

ପରନିନ୍ଦା ପରପୀଡ଼ା ନ ଆସୁ ମୋ ମନ

ଆଜୀବନ କରିବି ମୁଁ ବିଦ୍ୟା ଅରଜନ

ଲୋଡ଼ା ନାହିଁ ମୋର ଧନ,

ଭଲ ମନଟିଏ ଦିଅ ମୋ କଳାବଦନ ।

ଦୂର କରିଦିଅ ପ୍ରଭୁ କରୋନାର ଦର

ଗଣ ହାହାକାର ମହାମାରୀ ପରିହର

ନୀଳାଚଳ କଳାକର

ବ୍ରହ୍ମଦାରୁ ମହାବାହୁ ସୃଷ୍ଟି ରକ୍ଷାକର ।