ହସରୁ ବି ଜ୍ୟୋତ୍ସ୍ନା ଝରେ

ଏମିତିକା ତୁମେ ମନୋଇ ଝିଅ ଲୋ

ହୋଇଯାଅ ଯେବେ ଖୁସି

ଆନନ୍ଦ ମନରେ ଗୀତ ପଦେ ଗାଇ

ଦେଉଥାଅ ଟିକେ ହସି I

ହସରେ ତୁମର ଚହଲେ ଶ୍ରାବଣ

ଜହ୍ନରୁ ଜୋଛନା ଝରେ

ତୁମେ ଖୁସିଥିଲେ ମନ ଅଗଣାରେ

ଶେଫାଳୀ ମହକ ଢାଳେ I

ତୁମେ ଖୁସିଥିଲେ ଆକାଶ ବୁକୁରେ

ଫୁଟିଯାଏ ତାରା ଫୁଲ

ଭଲ ପାଇବାର ଅଗାଧ ସମୁଦ୍ର

ଆନନ୍ଦରେ ଛୁଏଁ କୂଳ I

ତୁମରି ଖୁସିର ଝଲକ ଦେଖିଲେ

ମନୁ ହଜେ ଅଭିମାନ

ବେସୁରା ଗୀତିରେ ସ୍ୱର ଖଞ୍ଜିଦିଏ

ପ୍ରଣୟ ବିଭୋର ପ୍ରାଣ I

ଜାଣିନ କି ସଖୀ ତୁମ ଖୁସି ଦେଖୀ

ଫୁଲପୁଟେ ନାନା ଜାତି

ତୁମରି ଖୁସିରେ ଖୁସି ହେବା ପାଇଁ

ଚାହିଁଥାଏ ପ୍ରଜାପତି I

ତୁମରି ହସରେ ହସେ ମୋ ଦୁନିଆ

ହସିଉଠେ ମୋର ମନ

ତୁମ ହସ ଦେଖି ଖୁସିରେ ଆକାଶୁ

ଝରେ ଧାରା ଶିରାବଣ I