Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Chittaranjan Nanda

Romance

3  

Chittaranjan Nanda

Romance

ହୃଦୟର ସ୍ପନ୍ଦନ

ହୃଦୟର ସ୍ପନ୍ଦନ

1 min
195



ମୋ ସପନ କୁଞ୍ଜରେ ପିକ ଭଳି 

ଗାଉ ଥିଲା ମଧୁ ଗୀତି

ତୁମେ ମୋ ଫୁଲ ଫଗୁଣର ମହୁଆ 

ମହକ ତନୁରେ ଭରିଥିଲ ପ୍ରୀତି ।


ବ୍ୟାକୁଳ ନୟନେ, ସ୍ପନ୍ଦନେ ବ୍ୟଥା

ଭୋଗିଛେ ଝୁରୁଥିଲେ ମନେ

ଲୁଚିଗଲ ହେ ମୋର ମାନସ ପୁରୁଷ 

ଖୋଜୁଥିଲି ମୁଁ ପ୍ରତିକ୍ଷଣେ  ।


କର୍ତ୍ତବ୍ୟର ପଥେ ହେଲ ଅଗ୍ରସର 

ବୁଝି ସମୟର ମୂଲ୍ୟ

ଅପେକ୍ଷା ନ କରେ ସମୟ କାହାକୁ

ଦୂରତାରେ ରହିଲ କୃଷ୍ନ ସମ ତୁଲ୍ୟ ।


ହେ ବିପ୍ଳବୀ, ଜଗତର ହିତେ କର୍ମ କରି 

ଚାଲିଲ ମନେ ରହିଲା ଆସି

ନିଜ ସ୍ବାର୍ଥ ତେଜି, ଦେଶ ପାଇଁ ଲାଗିଛ

ତୁମେ ଅହ ରହ ଦିବା ନିଶି  ।


ବିବେକୀ ମଣିଷ ହିସାବରେ ଅନୁଭବ 

କର ସମୟର କେତେ ଦାନ

ନିସ୍ବାର୍ଥେ ବନ୍ଧା ତୁମର ମନ ପ୍ରାଣ ସେଥି

ପାଇଁ ମୁଁ ଭାବେ ଭାଗ୍ୟବାନ ।


ତୁମରି ପ୍ରତୀକ୍ଷାରେ ବସିଛି ସେମିତି, ତୁମ

ଆସିବା ଦିଗନ୍ତକୁ ଚାହିଁ

ମୁଁ ଜାଣିଛି ଭଲ ଭାବେ ତୁମେ ଆସିବ ଦିନେ

ମୋ ମନକୁ ମହକାଇବା ପାଇଁ ।


ସୁଖ ଦୁଃଖ ହେବା, ଦୂର କରିବା 

ଲମ୍ବିଥିବା ଶୂନ୍ୟତାକୁ 

ସମୟ ସରିଯିବା ପୂର୍ବରୁ ପୂର୍ଣ କରିବା 

ଛୋଟ ଆଶାକୁ    ।


ଅବ୍ୟକ୍ତ ଯନ୍ତ୍ରଣା ଆମେ ଭୋଗିଛେ, 

ହୃଦୟରେ ଅପେକ୍ଷାରେ

ଶେଷ ଇଚ୍ଛା, ଚାଲ ଏକ ହେବା, ତୃପ୍ତ 

ହସ ଆଣିବା ଓଠରେ  ।


ପିଲା ଦିନେ ଥିଲା ତ ଏହା ଖେଳ, 

ଗଢି ଥିଲେ ବାଲି ଘର 

ବହୁ ସମୟ ଅପେକ୍ଷା କଲେ, ଚାଲ 

କରି ନେବା ସ୍ଵୀକାର  ।



Rate this content
Log in