ହୃଦୁଁ ଦୀପାବଳୀ!!
ହୃଦୁଁ ଦୀପାବଳୀ!!
ଅନ୍ଧକାରେ ବିମୋହିତ ସମଗ୍ର ଜୀବନ
ନିଦ୍ରାଶକ୍ତ ଚକ୍ଷୁ ଆଜ ହୁଏ ଆନମନ ll
ଆଲୋକର କ୍ଷୀଣ ରୂପ ଦେଖିବାର ଆଶ
ହୋଇଯାଏ ଦୂର ଧୀରେ ମନେ ଆସି ତ୍ରାସ ll
ଦର୍ପର ଗରିମା ବଳେ ହସେ ଦଶlନନ
ରହି ରହି ଶୁଭୁଥାଏ ଜାନକୀ କ୍ରନ୍ଦନ ll
ଅନ୍ତ ବେଳ ହୁଏ ଉଭା ଜାଣେନା ପାତକ
ଦଶ ଶିର ଛେଦି ପ୍ରଭୁ କଲେ ଦୂର ଶୋକ ll
ଚତୁର୍ଦ୍ଦଶ ବର୍ଷ ବନବାସ ହୁଏ ଶେଷ
ଭ୍ରାତା ଜାୟା ସଙ୍ଗେ ପ୍ରଭୁ ଯାନ୍ତି ସ୍ୱୀୟ ଦେଶ ll
ଆନନ୍ଦେ ଅଧୀର ହୋନ୍ତି ଅଯୋଧ୍ୟା ର ବାସୀ
ଉତ୍ସବ ପାଳନ୍ତି ମିଳି ହୋଇ ଖୁସି ବାସି ll
ଘରେ ଘରେ ଦୀପ ଜଳି ଚାଲେ ମହୋତ୍ସବ
ଅସତ୍ୟ ଉପରେ ସତ୍ୟ କରେ ଜୟ ସର୍ବ ll
ନିରାଶା ବିଷାଦ କଷ୍ଟ ଦୁଃଖ ଓ ଯାତନା
ଦୂରୀଭୂତ କରି ସତ୍ୟ ଉଡାଏ ତା ବାନା ll
ଉଜାଗର ରହି ଜାଳ ହୃଦ ଦୀପାବଳୀ
ବିତରଣ କରି ଚାଲ ପ୍ରୀତି ସ୍ନେହାବଳୀ ll