ହେରା ପଞ୍ଚମୀ

ମାଆ ଦୟାମୟୀ,

ଏତେ କ୍ରୋଧ କଲ କାହିଁପାଇଁ,

ମାଆ ଦୟାମୟୀ l

ରୁକ୍ମିଣୀ ବିବାହ ପାଞ୍ଚ ଦିନ ପରେ

ସ୍ନାନ ପୁର୍ଣିମା ପଡିଲା

ଶହେ ଆଠ ଗରା ପାଣି ଢାଳି ହୋଇ

ଶ୍ରୀହରି ଙ୍କୁ ଜ୍ୱର ହେଲା l

ଜ୍ୱରରେ ଶୋଇଲେ ଅସ୍ତବ୍ୟସ୍ତ ହେଲେ,

ମନେ ପଡି ଗଲା ମାଆ

ମାଉସୀ ମାଆ କୁ ସାକ୍ଷାତ ପାଇଁକି

ଉଦବେଳିତ ହେଲା ହିଆ l

ନବ ବିବାହିତା ପତ୍ନୀ ଙ୍କୁ ନ ନେଇ

ଭାଇ ଭଉଣୀ ଧାଇଁଲେ

ଜ୍ୱର ର ଅବସ୍ଥା ବଖାଣିବା ପାଇଁ

ସଜବାଜ ହୋଇ ଗଲେ l

ଦେଢଶୁର ଯେଣୁ ସାଙ୍ଗେ ଯାଉଥିଲେ,

ତୁମ କୁ ତ ନେଲେ ନାହିଁ

ସେଥିପାଇଁ ଏତେ କ୍ରୋଧ କରି ତୁମେ

ରଥ କୁ ଭାଙ୍ଗିଲ ଯାଇ l

ତୁମେ ରାଗିବାର ଯଥାର୍ଥତା ଅଛି

Advertisement

>ନେଲେନି ପ୍ରଭୁ ସାଥିରେ

ଦୟାମୟୀ ମାଆ ଯଦି ରାଗିଯାନ୍ତି

କି ହେବ ଏହି ସଂସାରେ l

ଥରେ ରାଗିଥିଲେ ଅନ୍ନ ନ ମିଳିଲା

ଦୁଇ ଭାଇ ଭିକ ମାଗି

କୁଟ କପଟିଆ ଛପନ ଭୋଗିଆ

ମାଗିମାଗି ହେଲେ ଯୋଗୀ l

ଜାତିହୀନ ପୃଥ୍ୱୀ ସମସ୍ତେ ଖାଆନ୍ତି

ଖାଇ ବୋଳୁଥାନ୍ତି ମୁଣ୍ଡେ

ମାତା କରାମତି ସମସ୍ତେ ଜାଣନ୍ତି

ଭୁଲିଗଲେ ପ୍ରଭୁ ଚାଣ୍ଡେ l

ଲମ୍ପଟି କପଟୀ ନାଟୁଆ ସେ ଭାରି

ସାବଧାନ ତାଙ୍କୁ ଥିବେ

ଯେମିତି ପ୍ରକାର ମନ ମୋହିବେ

ସେ ମୋହିନୀ ମାୟା କରିବେ l

ଜମା ଭୁଲି ବନି, ଜମା ଭୁଲିବନି

କେବେହେଲେ ଦ୍ୱାର ଛାଡିବନି

ଏଣୁ ତେଣୁ ଦେଇ ଭୁଲାଇ ଦେବେସେ,

ଟିକେ ହେଲେ ତୁମେ ହସିବନି l

ଜମା ଭୁଲି ଵନି.........