Library
Profile
ରଥ ପଥ ଜଗନ୍ନାଥ
ରଥ ପଥ ଜଗନ୍ନାଥ
ତୁମେ ଅନାଦି
ତୁମେ ଅନନ୍ତ
ତୁମେ ଜଗତ ନାଥ
ତୁମେ ଜଗନ୍ନାଥ
ନାହିଁ ତୁମ ଆଦି
ନାହିଁ ତବ ଅନ୍ତ
ତୁମ ହସ୍ତ ଜଗନ୍ନାଥ
ତୁମ ପଦ ଜଗନ୍ନାଥ
ତୁମ ଭକ୍ତି ଜଗନ୍ନାଥ
ତୁମ ଭକ୍ତ ଜଗନ୍ନାଥ
ଜଗନ୍ନାଥମୟ
ଏ ବିଶ୍ଵ ଜଗତ
ତୁମ ରଥ ଜଗନ୍ନାଥ
ତୁମ ପଥ ଜଗନ୍ନାଥ ।
ତୁମ ଶରଧାବାଲି
ତୁମ କୋଇଲି ବୈକୁଣ୍ଠ
ତୁମ ଆନନ୍ଦ ବଜାର
ତୁମ ବାଇଶି ପାହାଚ
ତୁମ ପତିତପାବନ
ବାନା ଜଗନ୍ନାଥ
ତୁମ ରଥ ଜଗନ୍ନାଥ
ତୁମ ପଥ ଜଗନ୍ନାଥ।
ହେ କଳା ଠାକୁର
କାଳିଆ ସାଆନ୍ତ
ତୁମ ପାଇଁ ପରା
ଏ ସାରା ଜଗତ
ତୁମ ମହୋଦଧି
ତୁମ ସ୍ଵର୍ଗ ଦ୍ଵାର
ଭକ୍ତି ଓ ମୁକ୍ତିରେ ପୁରିତ
ତୁମ ରଥ ଜଗନ୍ନାଥ
ତୁମ ପଥ ଜଗନ୍ନାଥ ।
ତୁମ ବଡ଼ଦାଣ୍ଡ ଜଗନ୍ନାଥ
ତୁମ ବଡ ଭୋଗ ଜଗନ୍ନାଥ
ତୁମ ଭକ୍ତି ଓ ମୁକ୍ତିର
ମାର୍ଗ ଜଗନ୍ନାଥ
ତୁମ ଟଙ୍କ ତୋରାଣି
ତୁମ ନିର୍ମାଲ୍ୟ
ତୁମ କୈବଲ୍ୟ
ସର୍ବ ସ୍ଥଳେ ତବ ଉପସ୍ଥିତି
ହୁଏ ଅନୁଭୂତ
ହେ ଜଗନ୍ନାଥ
ହେ ଜଗନ୍ନାଥ
ତୁମ ରଥ ଜଗନ୍ନାଥ
ତୁମ ପଥ ଜଗନ୍ନାଥ ।
ନନ୍ଦିଘୋଷ, ତାଳଧ୍ଵଜ ଓ
ଦର୍ପଦଳନ
ସବୁ ରଥର
ତୁମେ ହିଁ ଆଦି ଅନ୍ତ
ସର୍ବ ରଥର ରଥାଧିପତି
ତୁମେ ହିଁ ରଥ ପଥ ଜଗନ୍ନାଥ
ତୁମେ ଭାବ, ତୁମେ ଭକ୍ତି,
ତୁମେ ଭକ୍ତ
ତୁମେ ଧନ, ତୁମେ ଜନ
ତୁମେ ଗୋପ, ତୁମେ ରୂପ
ତୁମେ ଗୋପ ଗୋପୀନାଥ
ତୁମ ରଥ ପଥ
ସବୁ ଜଗନ୍ନାଥ ।
ତୁମ ରୋଷଘର,
ତୁମ ପୁଷ୍କରିଣୀ
ତୁମ ମେଘନାଦ ପାଚେରୀ
ତୁମ ତେତିଶ କୋଟି
ଦେବାଦେବୀ
ସର୍ବ ରୀତି ନୀତି,
ଭିତ୍ତିଭୂମି, ନିର୍ମାଣ
ସର୍ବ କ୍ରିୟା କଳାପ
ହୋଇଛି ତୁମ ଦ୍ଵାରା ନିର୍ମିତ
ଯାହା ମୁଁ ଦେଖଇ,
ଯାହା ଭୁଞ୍ଜଇ
ଚଉଦିଗେ ମୋ'ର
ସବୁର ନିର୍ମାତା
ସବୁର ଅଟ ତୁମେ ଅଧିଶ୍ଵର
ତୁମ ନାମ, ତୁମ ଧାମ,
ତୁମ କର୍ମ ସବୁ
ତୁମେ ଜଗନ୍ନାଥ
ହେ ଜଗନ୍ନାଥ
ହେ ଜଗନ୍ନାଥ
ତୁମ ରଥ ପଥ
ସବୁ ଜଗନ୍ନାଥ ।
ହେ କାଳିଆ ହାତୀ
ହେ କଳା ସାଆନ୍ତ
ଭକତ ଭାବରେ
ତୁମେ ହୁଅ ଯେ ମୋହିତ
ଏ ମାୟା ସଂସାର
ତୁମ ଦ୍ଵାରା ଯେ ରଚିତ
ପ୍ରାଣୀଙ୍କ ଆରତ
ତୁମେ ହିଁ ଫେଡତ
ତୁମ ଭକ୍ତି ବଳେ
ଭକ୍ତ ମୋକ୍ଷ ଲଭେ ତ
ସର୍ବ କ୍ଷେତ୍ରେ, ସର୍ବ କର୍ମେ
ପତିତ ଜନ ହୁଅନ୍ତି
ତୁମରି ଆଶ୍ରିତ
ଧନ, ଜନ, ମାନ
ଆପଦ, ବିପଦ, ସମ୍ପଦ
ସବୁର ତୁମେ ଗତି ମୁକ୍ତି ପଥ
ଆହେ ଜଗନ୍ନାଥ
ଆହେ ଜଗନ୍ନାଥ
ତୁମେ ମୁକ୍ତିର ପଥ, ଭକ୍ତିର ପଥ
ତୁମେ ଶାନ୍ତିର
ଭକ୍ତ ମନର ତୁମେ ମନୋରଥ
ଆହେ ଜଗନ୍ନାଥ
ଆହେ ଜଗନ୍ନାଥ
ତୁମ ରଥ ପଥ
ସବୁ ଜଗନ୍ନାଥ ।
