ସ୍ନାନ ପୂର୍ଣ୍ଣିମା

ସ୍ନାନ ମଣ୍ଡପରେ ଗହଳି ଲାଗିଛି

ଦେବ ସ୍ନାନ ପୂର୍ଣ୍ଣିମାରେ

ଭାଇଭଉଣୀଙ୍କୁ ସଂଗତରେ ନେଇ

ଜଗା ବିଜେ ପହୁଣ୍ଡିରେ ।

କର୍ପୁର,ଚନ୍ଦନ,ଆଗୁରୁ,ଧୂପରେ

ବଡଦାଣ୍ଡ ମହକଇ

ଶହେଆଠ ଗରା ପୂର୍ଣ୍ଣ କଳସରେ

ସ୍ନାହାନ କରିବେ ସାଇଁ ।

ସ୍ନାନସାରି ନେବେ ହାତୀବେଶ ପୁଣି

ଦର୍ଶନରେ ନେତ୍ର ଧନ୍ୟ

ବର୍ଷକରେ ଥରେ ଏ ଶୁଭ ଲଗନ

ଅରଜିବା ପାଇଁ ପୁଣ୍ୟ ।

ଯେତେ ବାଧାବିଘ୍ନ ଆସୁ ସଂସାରକୁ

ଚକାଆଖି ଆମ ସାହା

ଭକ୍ତଙ୍କୁ ସୁରକ୍ଷା ଦେବାପାଇଁ ସିନା

ପ୍ରସାରନ୍ତି ଚଉବାହା ।

ବଡ଼ଦାଣ୍ଡେ ପାଦ ନପଡୁ ହେ ସାଇଁ

ଦୂରେ ଦେଖୁ ତୁମ ଛବି

ତୁମ ପାଇଁ ମନ ସଦା ଝୁରୁଥାଉ

ତୁମ ରୂପ ଅନୁଭବୀ ।

ଗୁହାରି ଏତିକି ଶୁଣିବହେ ନାଥ

ବିପତ୍ତି ଏଡାଇ ଦେବ

ବଡ଼ଦାଣ୍ଡେ ପୁଣି ଗହଳି ଲାଗିବ

ତୁମ ସାଥେ ଭେଟ ହେବ ।

ଭଲରେ ଥାଅହେ କାଳିଆ ସାଆନ୍ତ

ସୁସ୍ଥ ରହୁ ଦେହ ମନ,

ଅଣସରୁ ଆସି ରଥପରେ ବସି

ଦେଉଥାଅ ଦରଶନ ।