ନିବେଦନ ଘେନ ମୋର
ନିବେଦନ ଘେନ ମୋର
ଜଗତର ପିତା ହେ ବିଶ୍ବ ନିର୍ମାତା
ସଭିଙ୍କ ବଡ଼ ଠାକୁର
ଶୁଭ ସକାଳରେ କରୁଛି ପ୍ରାର୍ଥନା
ନିବେଦନ ଘେନ ମୋର ।
ଜାଣିଛି ପ୍ରଭୁ ହେ ମହିମା ତୁମର
ସଂସାରେ ଅଟଇ ସାର
କେଉଁ ଦୋଷ ଦେଖି ଦଣ୍ଡଦେଇ ତାଙ୍କୁ
ରଖିଲ ଘର ଭିତର ।
ସରଳ ନିଷ୍ପାପ ମଣିଷଟିଏ ସେ
ଅଟେ ପ୍ରିୟ ସଭିଙ୍କର
ନରଖି ମନରେ ଆବିଳତା କିଛି
କରନ୍ତି ଅତି ନିଜର ।
ଯାହାପାଇଁ ଦିନେ ଉଡିଲି ଗଗନେ
କିପରି ହୋଇବି ପର
ବିମାନରେ ଚଢି କଲିକତା ଗଲି
ମନେ ଅଛି ଆଜି ମୋର ।
କେତେ ଅଫିସର ପାଖେ ପରିଚିତ
ଯାଇଣ ତାଙ୍କ ସଙ୍ଗର
ମାଗିଲେ ନମ୍ବର ଅବିଳମ୍ବେ ଦେଇ
ତୋଷିଥାନ୍ତି ମନ ମୋର ।
ସାମ୍ବାଦିକତାରେ ଵୟୋଜ୍ଯୋଷ୍ଠ ପୁଣି
ବଡ଼ ଭାଇ ଅଟେ ମୋର
ଦେଖି ତାଙ୍କ କଷ୍ଟ ପାରୁନାହିଁ ରହି
ଆଖିରୁ ବହୁଛି ନୀର ।
ପ୍ରାତଃ ଭ୍ରମଣରେ ରାସ୍ତାରେ କଚାଡି
ଭାଙ୍ଗିଲ ଗୋଡ଼ ତାଙ୍କର
ଯନ୍ତ୍ରଣାରେ ଛଟ ପଟ ହେଉଛନ୍ତି
ଶୋଇଛନ୍ତି ବିଛଣାର ।
ଖଇରା ବ୍ଲକର ପ୍ରତିନିଧି ଭାବେ
ଦୈନିକ କାର୍ଯ୍ୟ ତାଙ୍କର
ସାଇବର ନ୍ଯୁଜ୍ ପୋର୍ଟାଲ କାର୍ଡ ଯେ
ଝୁଲୁଣ ଥିଲା ବେକର ।
ବ୍ଲକ ପଞ୍ଚାୟତ ଥାନା ଯେ ଖଇରା
ପୁଣି ଜିଲ୍ଲା ବାଲେଶ୍ବର
ଆଳଦା ଗ୍ରାମରେ ଘର ଯେ ତାଙ୍କର
ପରିଚିତ ଅଞ୍ଚଳର ।
ପଦ୍ମଲୋଚନ ଡାକ ବିଜୁ ଭାଇ ସେ
ଦାସ ବାବୁ ସଭିଙ୍କର
ସାମ୍ବାଦିକ ସ୍ବର ଯାଇଥିଲା ଲମ୍ବି
ଗାଆଁ ଗାଆଁ ଘର ଘର ।
କୁହ ଜଗନ୍ନାଥ କେଉଁ ଦୋଷ ଦେଖି
ଦଣ୍ଡିଲ ହୋଇ ନିଷ୍ଠୁର
ସମସ୍ତ ମୁଖରୁ ଛଡାଇଲ ହସ
ଶୀଘ୍ର ଶୀଘ୍ର ସୁସ୍ଥ କର ।
ସବୁ ସାମ୍ବାଦିକ କରୁଛୁ ପ୍ରାର୍ଥନା
ସୁଦୟା ତାହାଙ୍କୁ କର
ସୁସ୍ଥ କରି ତାଙ୍କୁ ଚଲାଅ ରାସ୍ତାରେ
ବଡ଼ଭାଇ ସେ ଆମ୍ଭର ।