ଇଚ୍ଛାମୟ ହରି
ଇଚ୍ଛାମୟ ହରି
ଅନାଦି ଅନନ୍ତ ଇଚ୍ଛାମୟ ହରି
କେ ପାରିଛି ତାଙ୍କୁ ବୁଝି
ତାଙ୍କରି ଇଚ୍ଛାରେ ସଂସାର ଚାଲିଛି
ଆମେ କରୁ ଚାଲବାଜି I
ସରବ ଘଟରେ ତାଙ୍କରି ଆବାସ
ଯେ ତାଙ୍କୁ ଯେପରି ଦେଖେ
ତାଙ୍କରି ଇଙ୍ଗିତେ କର୍ମ କରିଯାଏ
ନିଜ ଭାଗ୍ୟ ନିଜେ ଲେଖେ I
ସବୁ ସମସ୍ୟାର ସମାଧାନ ସିଏ
କରି ସେ କରାଉ ଥାନ୍ତି
ବୁଝି ପାରିନାହିଁ ବୋଲି ଏ ମଣିଷ
କାଠ ଖଣ୍ଡେ କହୁଛନ୍ତି I
ଦେଖି ହୁଏ ନାହିଁ ରୂପକୁ ତାଙ୍କର
ଅନୁଭବ ହୁଏ କରି
ସବୁ କରମର ନିୟନ୍ତା ସେ ପରା
ସର୍ବ ଇଚ୍ଛାମୟ ହରି I
ଯାହା ହେଉଥିଲା ସେ ହିଁ କରୁଥିଲେ
ଏବେ ଯାହା ଯାହା ହୁଏ
ବ୍ୟସ୍ତ ହୁଅନାହିଁ ସବୁ ତାଙ୍କ ଲୀଳା
ସବୁ କରୁଛନ୍ତି ସିଏ I
ପାର ଯଦି ନିଜ ହୃଦୟୁ ନିଗାଡି
ପ୍ରୀତିପୂର୍ଣ୍ଣ ଭକ୍ତିରସ
ସମର୍ପଣ କର ତାଙ୍କ ପାଦତଳେ
ମୁହଁରେ ଫୁଟାଇ ହସ I