ଲାଇବ୍ରେରୀ
ପ୍ରୋଫାଇଲ୍
ହେ ଶତାୟୁ ପୁରୁଷ
ହେ ଶତାୟୁ ପୁରୁଷ
1 min
189
ହେ ଶତାୟୁ ପୁରୁଷ
ତୁମ ବିରହରେ କାନ୍ଦେ ଆଉ
ଖସେ ମୋ ମାଆର ଆୟୁଷ
ଶ୍ରାବଣର ବର୍ଷା ପରି ଝରିଆସେ
ପ୍ରତି ମୁହୂର୍ତ୍ତରେ ଆଖିରୁ ଲୋତକ
ଓଦା କରି ଚାଲି ଯାଏ
ରଙ୍ଗ ବେରଙ୍ଗ ର ଦୁନିଆଟା
ଲାଗେ ତାକୁ ତୁମ ବିନା ଫିକା
ଜନାରଣ୍ୟ ଘର ଲାଗେ ତାକୁ
ତୁମ ବିନା ଏକା ଏକା
କରିବ ବା କଣ ?
ତୁମେ ତ ଚାଲିଗଲ ତାକୁ ଠକି
ଏକାକରି, ଦେଇଗଲ ଖାଲି
ତୁମ ବଙ୍କୁଲି ବାଡି
ଠିକ୍ କରିଛ ତୁମେ
ଜାଣିଛ, ଆଉ ତ ବଳ ବୟସ ନାହିଁ
ଚାଲିବାକୁ ଏକା
ସେଥିପାଇଁ ଦେଇଗଲ ବୋଧେ
ବାଡିର ସାହାରା
କେବଳ ଅପେକ୍ଷା
ତୁମେ ଲେଉଟି ଆସିବ
ଅଣ ଲେଉଟା ମୃତ୍ୟୁର ଫାଶରୁ
ହାତ ଧରି ନେଇଯିବ ବୋଧେ
ତୁମ ଯିବା ପଥେ
ତୁମ ବିରହରେ ଜଳୁଥିବା
ପ୍ରିୟର ପତ୍ନୀକୁ
ଛାଡ଼ିବ ବା କିପରି
ଯିଏ ତୁମ ବିନା ଜାଣିନି
ଏକା ବଞ୍ଚିବ କିପରି ?
