ହେ ନେତାଜୀ ପଥ ବହୁ ଦୂର
ହେ ନେତାଜୀ ପଥ ବହୁ ଦୂର
ତୁମ ଜୀବନ ଯାତ୍ରାର ପଥରେ ସପନ
ଦେଖୁଥିଲ ଦିନ ରାତି,
ତୁମର ଥିଲା ଏକ ମାତ୍ର ଲକ୍ଷ୍ୟ, ମଣିଷର
ମୁକ୍ତି, ମୁକ୍ତି, ମୁକ୍ତି ।
ହେ ଅମ୍ଳାନ ବ୍ୟକ୍ତିତ୍ଵ, କିଏ କହେ ବିସ୍ମୟ
ବାଳକ ଜନମି ଥିଲ,
ମାତୃଭୂମିର ଆହ୍ୱାନେ ମାତୃ ଟେକ ରଖି
ସ୍ୱର୍ଣାକ୍ଷରେ ରହିଗଲ ।
ପିତା ଥିଲେ ଜାନକୀନାଥ ମାତା ପ୍ରଭାବତୀ
କୋଳ କଲ ମଣ୍ଡନ
ଆଜାଦ୍ ହିନ୍ଦ୍ ଫୋୖଜ ଭାରତେ ଗଢିଦେଲ
ଦିଲ୍ଲୀରୁ ପଲ୍ଲୀ ଆହ୍ୱାନ୍ ।
ଶୁଭିଥିଲା ଡାକ, ମତେ ରକ୍ତ ଦିଅ, ମୁଁ ତୁମକୁ
ସ୍ୱାଧୀନତା ଦେବି,
ଭାରତୀୟଙ୍କ ରକ୍ତେ ସୃଷ୍ଟି ହେଲା, ଦେଖିବେ
ସ୍ୱାଧୀନ ଭାରତ ଛବି ।
ଇଟାର ଜବାବ୍ ପଥରରେ ଦେବା ନୀତିକୁ
ଶିଖାଇ ଦେଇଣ ଗଲ
ହେ ଦେଶ ସେବକ ସାରା ପୃଥିବୀରେ ଓଡିଆ
ର ଟେକ ରଖିଗଲ ।
ତୁମର ଆହ୍ୱାନ୍ ସେ ନୀତିର ଡାକ ପ୍ରକମ୍ପିତ
ହେଲା ବିଶ୍ୱ ମାଟିରେ
ହେଉ ଭାରତ, ଜର୍ମାନୀ ଅବା ଜାପାନ ପୃଥିବୀ
ର କୋଣ କୋଣରେ ।
ଶ୍ରାବଣର ବର୍ଷା ପରି ଶୁଭି ଥିଲା ସ୍ଵର, ବୁଣିଗଲ
ଆମ ମୁକ୍ତିର ବୀଜ
ହେ ଭାରତର ସୁପୁତ୍ର, ଚାଲିଗଲ ସିନା, ଯୋଗାଡି
ଆମ ସଜବାଜ ।
ସ୍ୱାଧୀନତା ପାଇଛେ, ଆଜି ବି ଫଳ ପହଁଚିନି
ପ୍ରତିଟି ମଣିଷ ପାଖରେ
କିନ୍ତୁ ତୁମେ ଅଛ ପ୍ରତିଟି ଗରିବ, ଖଟିଖିଆ, ଓ
ମୁଜୁରୀଆଙ୍କ ଚେତନାରେ ।
ସାଧାରଣ ମଣିଷ ଆଜି ବି ପରାଧୀନ, ବନ୍ଦୀ
ଶୋଷଣର ଶୃଙ୍ଖଳରେ
ପରାଧୀନ ଆଜି ମଧ୍ୟ କିଛି ପୁଞ୍ଜବାଦୀ ସାମ୍ରାଜ୍ୟ
ର କଡା ବନ୍ଧନରେ ।
ଅନ୍ୟାୟ ଅନୀତି ଦୁର୍ନୀତି ର ପଥେ ଶହ ଶହ ଜନ
ନେତା ଧରି ଗାଡି
ନେଇ ନେଇ ହୁଅନ୍ତି ନେତା, ଦେଖ ନ୍ୟାୟ ହାତରେ
ଦେଖ ପଡିଛି ବେଡି ।
କେଉଁ ଆଡେ ଗଲ, ହେ ବୀର ପୁରୁଷ, ତୁମେ ଏ
ଭାରତ ମାଟିର ହୀରା,
ଦୂରୀଭୂତ ହୋଇନି ଅନ୍ୟାୟ ଅନୀତି ଭାରତୀୟ
ଆଜ ଝୁରନ୍ତି ପରା ।
ଆଜାଦ୍ ହିନ୍ଦ୍ ଫୋୖଜ ଗଢି ସ୍ୱାଧୀନତା ମୁକ୍ତି ଆଣିବି
ଜୀବନ ଥିଲା ଯାଏ
ଆଜି ବି ସେ ବାଣୀକୁ ଘୋଷେ ଚାଷୀ, ମଣିଷର
ମୁକ୍ତି ଆସିବା ଯାଏ ।
କୋଟି କୋଟି ଜନତା ମନେ ଉଦ୍ରେକ କଲ ମୁକ୍ତି
ପାଇଁ ବଳ ଶତ ସିଂହର
ଏବେ ମଣିଷ ଦେହରେ ସାଇତା ହେଉଛି ହୀନ
ମନ୍ୟତା କାପୁରୁଷତାର ।
ଦେଶ ପାଇଁ ରକତ କି ଦେବା ରକ୍ତ ତ ସବୁ ନିଗିଡି
ପଡୁଛି ଶୋଷଣରେ
ରକ୍ତ ବୋଳି ହୋଇଛି ହିଂସା, ଇର୍ଷା, ଧର୍ମ ଆଉ ଜାତି
ଭେଦ ଭାବନାରେ ।
ଏକତା ତ ନାହିଁ, କୁହ ହେ ସୁଭାଷ, ଶତ ସିଂହ ର
ବଳ କେଉଁଠୁ ଆସିବ
ସାଜେ ମଣିଷ ଖେଳେ ରକ୍ତ ହୋଲିର ରଙ୍ଗ ହରାଇ
ମାନବିକତାର ଭାବ ।
ଅଜ୍ଞାନୀ, ଆଜି ଦେଖ ସିଂହାସନେ ବସଇ, ଜ୍ଞାନୀ
ମାରଇ ଖାଲି ତାଳି
ଫୁଲ ମାଳ ମିଳଇ ଏଠି ଠକ ମଣିଷଙ୍କ ବେକରେ,
ସଚ୍ଚୋଟ ଖାଉଛି ଗାଳି ।
ଚାଟୁକାର ଚୁଗୁଳିଆ ଏଠି ପାଆନ୍ତି ସୁବିଧା, ଚାରି
ଆଡେ ମାଳ ମାଳ
ଖାଲି ନିଜର ସୁବିଧା ହାସଲ ପାଇଁ ଦେଖାନ୍ତି ନିଜର
ନାଚର ବଳ ।
ଇଟାର ଜବାବ ପଥରେ ଦେବାକୁ ବଳ ନାହିଁ
ଆଉ ମଣିଷ ଦେହେ
ସାହାସ ବଳକୁ ଲୁଟନ୍ତି ଗଣତନ୍ତ୍ର ନାମେ ଏଠି
ମଦ ମାଂସ ର ମୋହେ ।
ହେ ସୁଭାଷ, ଶୋଇନତ ଚିରନିଦ୍ରାରେ, କେଉଁଠି
ଲୁଚିଛ ଛଦ୍ମବେଶରେ?
ବୁଦ୍ଧି ଦିଅ ଭାଙ୍ଗିବ ପୁଞ୍ଜିବାଦୀର ସାମ୍ରାଜ୍ୟର ଶୋଷଣ
କୋଷଣକୁ ଭାରତ ବର୍ଷରେ ।
ଆସ ସାଥି ହୋଇ ଚାଲିବା ସୁବାଷ ବୋଷଙ୍କ ବାଟ
ପଡ଼ିବାନି ଯମା ଥକି
ମନେ ପକାଇ ଚାଲିବା ଚାଲିବା ପଥ ବହୁ ଦୂର
ଆହୁରି କେତେ ଯେ ବାକି ।