ହେ ଜୀବନ

ହେ ଜୀବନ , 

ଟିକେ ଆସ, ମୋ ପାଖରେ ବସ

ଦି ଘଡି ସୁଖ, ଦୁଃଖ ହେବା

କିଛି ତୁମେ କହିବ କିଛି ମୁଁ କହିବି

ଏଇ କୁହା ଶୁଣାରେ

 ମନ ଟିକେ ହାଲୁକା ହୋଇଯିବ

ତୁମ ସାଥେ ଚାଲୁ ଚାଲୁ 

କେତେ ଲୋକ, କେତେ କଥା

କିଛି ସାଥେ ରହିଗଲେ 

ଆଉ କିଛି ଅଧା ବାଟେ ବାଟ ଭାଙ୍ଗି ଚାଲିଗଲେ

ଯିଏ, ଗଲା ଆଉ ଯାହା ନ ମିଳିଲା

ତା ପାଇଁ ଲୁହ ତ ଆସିଛି ଆଖିରେ

ହେଲେ, କେବେ ଅଭିଯୋଗ କରିନି କାହାକୁ 

ଅଭିମାନ କରିନି ବି କେବେ

ହେ ଜୀବନ, 

ତୁମେ ହିଁ ତ ମୋର ସବୁଠାରୁ ଅନ୍ତରଙ୍ଗ ବନ୍ଧୁ ମୋର

ତୁମ କାନ୍ଧେ ମଥା ରଖି କାନ୍ଦି ତ ପାରିବି 

ମୋ ଦୁଃଖ ତୁମକୁ କହିବିନି ତ 

ଆଉ କାହାକୁ କହିବି ।