ଜୀବନ ଲାଗିବ ମଧୁର

ସମ୍ପର୍କ ନୁହଁଇ କାଚ ଘରଟିଏ

ବାଜିଗଲେ ଭାଙ୍ଗି ଯିବ

ସମ୍ପର୍କ ଅଟଇ ମଧୁର ଝରଟେ

ସଦା ପ୍ରବାହିତ ଥିବ ।

ସ୍ନେହର ପରଶେ ଯେତେ ଲିପୁଥିବ

ସେତେ ସେ ଝଲସୁ ଥିବ

ଖାଲି ପେଟରେ ବି ସେ ପରସ ପାଇଲେ

ଅମୃତ ପରି ଲାଗିବ ।

ସମ୍ପର୍କ ନୁହଁଇ ରକ୍ତର ପ୍ରବାହ

ଥାଏ ସେତ ସବୁଠାରେ

ସ୍ନେହର ପରଶେ ଅପରିଚିତ ବି

ହୋଇଥାଏ ଆପଣାର ।

ଦେବାରେ ନଥାଏ ସମ୍ପର୍କର ଖିଅ

ଥାଏ ସିଏ ହୃଦୟରେ

ମିଠାକଥା ପଦେ ସମ୍ପର୍କ କୁ ଯୋଡେ

ଭାବ କେତେ ସୃଷ୍ଟି କରେ ।

ଚାଲିବାର ପଥ ଲାଗଇ ବନ୍ଧୁର

ଆପଣା କରିଲେ ପର

ପର କିଏ ଯଦି ଦିଏ ଭାବ ହୃଦୟରୁ

ଲାଗଇ ସମ୍ପର୍କ ଡୋର।

ଏହି ସଂସାରରେ କିଏ ବା କାହାର

ଏ ଅଟେ ସ୍ୱାର୍ଥ ଦୂଆର

ହେଲେ ସେ ସ୍ୱାର୍ଥ କୁ ତେଜି ଯୋଡିଲେ ସମ୍ପର୍କ

ଜୀବନ ଲାଗିବ ମଧୁର ।