ହେ ଜାତିର ଜନକ

ହେ ଜାତିର ଜନକ !

ପ୍ରିୟ ପୂଜ୍ୟ ବାପୁ !

ମୂର୍ତ୍ତିମନ୍ତ ଥିଲ ତୁମେ ସତ୍ୟ ଅହିଂସାର,

ଦୟା କ୍ଷମା ଶାନ୍ତି ଥିଲା

ସଦା ଚରିତ୍ରେ ତୁମର l

ସେ'ଦିନ ବିତିଛି ଆଜି,

ନିଜ ବାସେ ଭୋଗୁଥିଲୁ ନିର୍ଯାତନା କେତେ ଯେ ଅନେକ l

ସେ ସଂଘର୍ଷ, ସେ ସଂଗ୍ରାମେ;

ଦେଶକୁ ଦେଲ ନୂଆ ପରିଚୟ l

ଭୁଲିନି ଏଜାତି, ଭୁଲିବନି ଆଉ

ଆଜିବି କରୁଛି ଏଦେଶ, ତୁମକୁ ଜୟ ଜୟ ll

ହେ ଜାତିର ଜନକ !

ପ୍ରିୟ ପୂଜ୍ୟ ବାପୁ !!

ତଥାପି ଲାଗେ ଆଜି କାହିଁ ?

ସମୟର ଚକତଳେ

ପୁଣିଥରେ,

ନିଜ ଦେଶେ ନିଜେ ପରାଧୀନ l

ହେ ଜାତିର ଜନକ !

ପ୍ରିୟ ପୂଜ୍ୟ ବାପୁ !!

ଆସ ବାପୁ ଆଉଥରେ

କରିବାକୁ ଏ ଦେଶ ସ୍ୱାଧୀନ l

ଶୁଣ ବାପୁ !

ଗଲାପରେ ଚାଲି ତୁମେ

ଆଜି ଏଠି 

ଚାଲିଛି ଲୁଣ୍ଠନ,ହତ୍ୟା,ଅରାଜକ ବହୁ,

ନିରୀହ ଜନତା ଦେହେ ନିଆଁ ଜଳୁଛି ହେଇ ହୁ ହୁ।

ହେ ଜାତିର ଜନକ !

ପ୍ରିୟ ପୂଜ୍ୟ ବାପୁ !!

ଆସ ଥରେ-ଚାଲି ତୁମେ,

ଏ ଦେଶ ଡାକୁଛି

ଦେଶକୁ ଲୋଡ଼ା ଅଛି..!

ତୁମ ଉପସ୍ଥିତେ ଦେଶ,

ଆଉଥରେ ସ୍ୱାଧୀନତା ପାଉ ll

ହେ ଜାତିର ଜନକ !

ପ୍ରିୟ ପୂଜ୍ୟ ବାପୁ !!

ଆସ ଥରେ ଆସ ଥରେ

ଆମକୁ ତୁମେ ଆବଶ୍ୟକ l

ଆମକୁ ତୁମେ ଆବଶ୍ୟକ ll