ହାତ ଧରି ସାଥି
ହାତ ଧରି ସାଥି
ହୋମ ଅଗ୍ନି ଦଶ ଦିଗପାଳଙ୍କୁ ସାକ୍ଷୀ ରଖି
ହାତଧରି ସାଥୀ ଚାଲୁଥିଲି ବାଟ
ନିତି ନିତି ଜୀବନର ଚଲାପଥରେ,
ଗଢିଥିଲେ ନୀଡ ସମ୍ପର୍କ ସୂତାରେ,
ବିଶ୍ଵାସ ଭରସା କାହିଁ ଉଜୁଡି ଯେ ଗଲା
ଏକ ଅଦିନିଆ ଝଡରେ।
ଭଲ ପାଇବାର ପରିଣାମ ଆଜି
ନିତି ନିଲାମ ହୁଅଇ ଭର୍ତ୍ସନାର ତାଣ୍ଡବରେ
ଦେଇଥିବା ପ୍ରତିଶ୍ରୁତି ର ମାନେ କିଛି ନାହିଁ
ସମୟ ଖେଳୁଛି ଖେଳରେ,
ସହିଷ୍ଣୁତା ଯଦି ଜୀବନ ଭୂଷଣ
ସହିତ ଯାଉଛି ମୁହିଁ,
ହେଲେ ନିଶା ରାକ୍ଷସ ଟା ବୁଝେନି ଠିକଣା
ଚାଲୁଥାଏ ପ୍ରତିକ୍ଷଣେ ଠିକଣା ହଜାଇ,
ବଂଚିବାର ଆଶା ହୁଏ ଆଜି କ୍ଷୀଣ
ପଡିଲି କାହାର ନଜରେ।
ଦେଇଥିବା ପ୍ରତିଶ୍ରୁତି ଆଜି ପଡିଗଲା ଫିକା
ସମୟ ଚକ୍ରର ଉହାଡେ,
ମାୟା ମୋହର ଏ ସଂସାର ଟା ଆଜି
ଲାଗେ ନାହିଁ ମୋତେ ଭଲରେ,
ଫେରିଆ ତୁ ସାଥି ମୋର ସେହି
ସୂନା ସାଥୀ ହୋଇ ହାତଧରି
ଚାଲୁଥିବା ଜୀବନର ବେଳାଭୂମିରେ।