ସାଥି ତୁ ଫେରିଆ

ସ୍ମତିର ଫରୁଆ ରେ ରଖିଛି ସାଇତି

ଭଲ ପାଇବା କୁ ଗଣ୍ଠିଲି କରି

ସାଥୀ ତୁ ଫେରିଆ ମୋ ପ୍ରେମ ଦରିଆକୁ

ବସିଛି ମୁଁ ପ୍ରେମର ପ୍ରଦୀପ ଜାଳି।

ଅବୁଝା ମନଟା ବୁଝେ ନାହିଁ ଜମା

ତୁ ଯଦି ଯାଉ ବିଗିଡି,

ତୁ ବିଗିଡି ଗଲେ ମୋ ଜୀବନ ମରୁଟା

ଯାଉଛି ଖାଲି ଦୋହଲି।

ତୋର ମୋର ଭାବ କେହି ନ ଦେଖିଲେ

ଦେଖିଛି ସେ ଭାବଗ୍ରାହୀ,

ତା ଭାବରେ ଆଜି ଦୁନିଆଁ ଚାଲୁଛି

ତୁ ସ୍ବାର୍ଥପର ହେଲୁ କାହିଁ ପାଇଁ।

ସବୁ ଭୁଲ୍ ର କ୍ଷମା ପରା ଅଛି

ଏକଥା କି ତତେ ଜଣା ନାହିଁ

ମୋ ଜୀବନ ପଛେ ଚାଲିଗଲେ ଯାଉ

ବସିଛି ମୁଁ ତୋ ପଥ ଚାହିଁ।

ଭଙ୍ଗା ନାଁ ମୋର ଉବୁଟୁବୁ ଆଜି

ତୋର ସେହି ପାଗଳାମି ଦେଖି

ନିଜ ହାତେ ଗଢା ଏ ସୁନା ସଂସାର

ତୋ ବିନା କିପରି ପାରିବ ବଂଚି,

ଫେରିଆ ଫେରିଆ ତୁ ମୋର ସାଥୀ।