ଲାଇବ୍ରେରୀ
ପ୍ରୋଫାଇଲ୍
ଚାରୋଟି କବିତା
ଚାରୋଟି କବିତା
1 min
159
-ବନ୍ଧନ-
ବନ୍ଧନ ମୋହର କାମନା ବାସନା
ବନ୍ଧନ ସଂସାରେ ମୋହ
ବନ୍ଧନ ମୋହର ଧର୍ମର ନାମରେ
କୁକର୍ମେ ନୁହେଁ କି କହ
ସତରେ ହିଁ ଚହଚହ
ମିଛଟାରେ ଖାଲି ରଙ୍ଗେଇ ହୋଇଛି
ଫୁଲ ପରି ଟହଟହ।
-କୁହୁଡି଼-
କୁହୁଡି଼ ଭିତରେ କେତେ ପହଁରିବି
ତୁଚ୍ଛାଟାରେ ଗଲା ଦିନ
ସଭିଏଁ ତ ମୋତେ ଭାଲୁ ଧରେଇଲ
ଯାଇକି କୁହୁଡି଼ ଧ୍ଯାନ
ଆଉ ମୋର ନାହିଁ ମନ
ଭଲ ହେବ ବନ୍ଧୁ ବିଚ୍ଛେଦ ହୋଇଲେ
ସ୍ବାର୍ଥକ ହେବ ଜୀବନ।
- ବିରହ-
ଜାଣିଛ କି ବନ୍ଧୁ ବେଦନା ଭିତରେ
କିଏ ହୋଇଥାଏ ବଡ଼
ସାମାନ୍ଯ ବିଚ୍ଛେଦ ଏ ଦେହ ମନକୁ
ଭାଙ୍ଗି ଦେଇଥାଏ ହାଡ଼
କ୍ଷଣକେ ଆଣିବ ଝଡ଼
ବିରହ ବେଦନା ଯନ୍ତ୍ରଣା ବହୁତ
କହି କି ପାରିବ ଛାଡ଼?
-ଅଭିନନ୍ଦନ-
ଫଟୋଟେ ପଠାଇ ଲଡୁଟେ ଖାଇବା
କାହିଁକି କହୁଛ ତୁମେ
ଖେଳିବାକୁ ଗୁଡି଼ ନ ଡାକି ଫଟୋରେ
ଭୁଲାଉ ଅଛକି ଭୂମେ
ଆସ ଯିବା ଶିବ ଧାମେ
ପୂଜା ଆରାଧନା ଦୀପକୁ ଜାଳିକି
ମକର ସ୍ବାଗତଂ କାମେ।
