ବୋହୂ
ବୋହୂ
ବୋହୂର ପରିଭାଷା ଅବର୍ଣ୍ଣନୀୟ
ସେ ହିଁ ନାରୀ ସୃଷ୍ଟି ସଂହାରିଣୀ
ସେ ହିଁ ସଂସାର ପାଳିନୀ ମା ଟିଏ,
ବୋହୂ ବି ପ୍ରଥମେ ଦୁହିତାଟିଏ
ହୋଇ ଦୁଇ କୂଳ ର ହିତ ପାଇଁ
ବୈଦିକ ରୀତିରେ ସାଜିଥାଏ
ବୋହୂଟିଏ ସଂସାରକୁ ବୋହିବାର
ପ୍ରତିସୃତି ବଦ୍ଧତାରେ ଏକ
ନିବିଡ ସମ୍ପର୍କ ର ଡୋରିରେ।
ନାଲି ରଙ୍ଗର ଓଢଣୀ ତଳେ
ରହିଯାଏ ତା'ର ହୃଦୟର ଭାଷା
ବହନ କରିବାର ପ୍ରତିଶ୍ରୁତିରେ
ସବୁ ସ୍ବପ୍ନ ସବୁ ଆଶା କୁ
ମାୟାର କୋଠରୀ ମଧ୍ୟରେ ତାଲା ଦେଇ
ଗଢିତୋଳେ ଏକ ନିବିଡ ସମ୍ପର୍କ ର ମନ୍ଦିର
ପାନ ଗୁଆ ଛେଚା ଓ ବିରି ରଗଡାର ସୂତ୍ରରେ।
ବନ୍ଦିନୀ ଜୀବନର ସୀମାରେଖା ତଳେ
ଲକ୍ଷ୍ମଣ ରେଖା ର ଗାର ମଧ୍ୟରେ
ସମୟର ଲୁଚକାଳି ଖେଳ ର
ପ୍ରତି ପାହୁଣ୍ଡ ର ଶବ୍ଦର ଝଙ୍କାର ରେ
ଲିଭାଇଥାଏ ଜୀବନର ସଵୁ ସୁଖ ଓ ଦୁଃଖ କୁ
ଏକାକାର କରି ଦେଇ ଜୀବନ ରଣାଙ୍ଗନରେ।