ବର୍ଷାରାଣୀ

ବରଷା ରାଣୀ ଲୋ ବରଷା ରାଣୀ

କାହିଁକି ଝରାଉ ଆଖିରୁ ପାଣି

ଯିଏ ତୋତେ ଭଲ ପାଏ ବହୁତ 

ଛାଡି ଚାଲିଗଲା ଧରି ତୋ ହାତ

ତାହାଙ୍କୁ ମନରୁ ପାରୁନୁ ଭୁଲି

ହୃଦୟ ରୁ ତୋର ଝରାଉ ବାରି

ସେଥିପାଇଁ ଢ଼ାଳୁ ଲୁହ ଶ୍ରାବଣୀ

ବରଷା ରାଣୀ ଲୋ ବରଷା ରାଣୀ

ତାଙ୍କ କଥା ଭୁଲି ପାରୁନୁ ତୁହି 

ଆଷାଢ଼ ଶ୍ରାବଣକୁ ଅଛୁ ଚାହିଁ

ଅପେକ୍ଷାରେ ଥିଲୁ କେବେ ଆସିବ

ନୟନରୁ ତୋର ନୀର ଝରିବ

ତୋ ଲୁହକୁ ପିଇ ହସେ ଧରଣୀ

ବରଷା ରାଣୀ ଲୋ ବରଷା ରାଣୀ

ଏହା ଯଦି ହୋଇ ଥାଏ ଲୋ ସତ

ତୋର ମୋର ଆ ଆ ବସିବା ମିତ

ସାଙ୍ଗ ସାଥି ଦୁହେଁ ଆଜିଠୁ ହେବା

ଠାକୁରଙ୍କ ପାଖେ ଦୁଃଖ କହିବା

ସବୁ ବୁଝିବେ ପ୍ରଭୁ ଅନ୍ତର୍ଯ୍ୟାମୀ

ବରଷା ରାଣୀଲୋ ବରଷା ରାଣୀ

କାହିଁକି ଢାଳୁଛୁ ଆଖିରୁ ପାଣି ।