ହାଏ ରେ କରୋନା

ହାଏ ରେ କରୋନା ତୁ ତ ଅଚିହ୍ନା

   କାହିଁକି ଖେଳୁଛୁ ଖେଳ

କେତେ ଜନଙ୍କର ପ୍ରାଣ ତୁ ନେଲୁଣି 

     ହୋଇଜା ତୁ ଦୁରୁବଳ ।

    

ଖେଳିବାକୁ ଭାରି ଭଲ ଲାଗୁଥିଲେ

       ଆଜିତ ପଡିଛି ତାଲା

ଗ୍ରାମ ,ସାହି ଆଜି ହୋଇଛି ନିରବ 

   ହେଉନାହିଁ ତ ହୋ ହାଲା ।

ପାଖେ ଥାଇ ମଧ୍ୟ ସୁନାର ସଂସାର 

    ଶତ୍ରୁତ ସାଜିଛି ଆଜି

ବାହାର ଦେଶରୁ ଆସୁଅଛି ଯିଏ

  ଗାଁ ମୁଣ୍ଡେ ଖାଉଛି ଭୋଜି  ।

          

ନୁହେଁ ବାଘ ,ଭାଲୁ ନୁହେଁ ହାତୀ ,ସିଂହ

   ନୁହେଁ କେଉଁ ଭୁତ ପ୍ରେତ 

ତିନି ଅକ୍ଷର ଭରା ନାମଟି ତାହାର 

  ବିଶ୍ୱରେ ସାଜିଛି ଘାତ ।

ଦୂର ସହରରୁ ଆସିଥିଲେ ମଧ୍ୟ

      ଚଉଦ ଦିନିଆଁ ଶାସ୍ତି

କେତେ ଦିନ ଆଉ କାଳିଆ ଠାକୁର

     ହେବ ଆମ ଦେଶ ମୁକ୍ତି ।