ଧାରା ଶିରାବଣ
ଧାରା ଶିରାବଣ
ଧାରା ଶିରାବଣ ଝରୁଛି
ଟୁପ୍ ଟାପ୍ ଝର୍ ଝର୍ ଛମ୍ ଛମ୍
ଗୀତ ଗାଇ ଗାଇ ଥେଇ ଥେଇ ନାଚୁଛି ।
ନାଁ ମୋ
ସାଥିରେ ନାଚୁଛି ତରୁ ପଲ୍ଲବ ସୁକୁମାରୀ
ପବନ ବିଞ୍ଚୁଛି ଆଲଟ ଚାମର ଧରି
ଘାସ ପଡ଼ିଆରେ ଆୟୋଜନ ସାରି
ଜଳକ୍ରୀଡାରେ ଭିଜି ଭିଜି ତିନ୍ତି ତରି
ଦୁର୍ବାଦଳ ତୃଣ ଲତା ଗାଉଛନ୍ତି
ମେଘ ମହ୍ଲାର ଥିରି ଥିରି ।
ନାଁ ମୋ
ଆଞ୍ଜୁଳା ଆଞ୍ଜୁଳା ପ୍ରେମରସ
ଟାଙ୍ଗରା ପାହାଡ଼ ଟା ଶୋଷୁଛି ସୋମରସ
ମାଟି ମଟାଳର ଫଟା ଛାତିରେ
ବତୁରି ଗଲାଣି ଗ୍ରୀଷ୍ମଋତୁର ଆଦିମ ଶୋଷ ।
ନାଁ ମୋ
ପାଗ ମେଘୁଆ
ଅଧା ଖୋଲା ଝରକା ପାଖରେ ସେ ଠିଆ
ଭିଜୁଥିବ ହାତ ବଢେଇ ଥିବ
ଶ୍ରାବଣର ମୃଦୁ ଆମନ୍ତ୍ରଣ
ଶିତଳାଉଥିବ ମିଠା ଦହନ ବଦନ
ମୌସୁମୀର ଖୋଲା ସିହରଣ ।
ନାଁ ମୋ
ଆକାଶଗଙ୍ଗାକୁ ଛୁଇଁ
ଖୁସି ହେଉଥିବ ଛୁଇଁ ମୁଇଁ
ଝିପି ଝିପି ବରଷାରେ ଭିଜି
ମନରେ ପ୍ରାଣରେ ଅଙ୍କୁରେଇଥିବ
ସ୍ନେହରେ ଉଛୁଳା ସବୁଜିମା କେଜି କେଜି ।