ଵିଧି ନିର୍ଦ୍ଦିଷ୍ଟ
ଵିଧି ନିର୍ଦ୍ଦିଷ୍ଟ
ଵିଧି ର ବିଧାନ ନହୁଅଇ ଆନ
ହୋଇଥାଏ ତାହା ଭୋଗ,
ସୁଖ ଅବା ଦୁଃଖଆସେ ଜୀବନରେ
ଥାଏ ଯା ପ୍ରାରବ୍ଧ ଯୋଗ ll
ରାତି ପାହିଥିଲେ ରାଜା ହୋଇଥାନ୍ତେ
ଅଯୋଧ୍ୟା ରେ ପ୍ରଭୁ ରାମ,
ଵିଧିଲେଖି ଥିଲା ଚଉଦ ବରଷ
ବାସ ତାଙ୍କଘୋର ବନ l
ଦେବତା ହୁଅନ୍ତୁ ଅବା କେହି ନର
ବିଧିର ବିଧାନ ବଳେ,
ଦୁଃଖ ସୁଖ ଭୋଗ କରିଥାନ୍ତି ସଦା
ନିଜର ଜୀବନ କାଳେ l
ସୀତା ଙ୍କ ହରଣ ରାବଣ ମରଣ
ଥିଲା ତ ଵିଧି ନିର୍ଦ୍ଦେଶ,
ସେପାଇଁ ଭୋଗିଲେ ସୀତା ମାତା କଷ୍ଟ
ଭାଗ୍ୟ ର ଥିଲା ଏ ଦୋଷ l
ଵିଧି ନିର୍ଦ୍ଦେଶରେ ରାଜପୁତ୍ର ହୋଇ
ନଳ କାଟିଥିଲେ ଘାସ,
ହରିଶ୍ଚନ୍ଦ୍ର ରାଜା ମଶାଣି ଜଗନ୍ତି
ଭାଗ୍ୟ ଅଟଇ ସର୍ବସ୍ୱ l
ଘଟଣା ଠାରୁ ତ ଦୁର୍ଘଟଣା ଯାଏଁ
ସବୁ ଵିଧି ହାତେ ଲେଖା,
ଭୋଗିବା ଆମର କର୍ମ ଫଳ ସବୁ
ଏକା ପ୍ରଭୁ ଆମ ସଖା l
ବିଧିନିର୍ଦ୍ଦିଷ୍ଟ ଯା ଭୋଗୁଛେ ଭୋଗିବା
ଅଟେ ତା ଅବସମ୍ଭାବି,
କରିଯିବାଯାହା କର୍ମ ଜୀବନରେ
କି ଲାଭ ପାଇବା ଭାବି l
ଆମେବି ଆସିଛେ ଵିଧି ନିର୍ଦ୍ଦେଶରେ
ମାନବ ଜନମ ହୋଇ,
ସୁ କର୍ମ କରିଲେ ଏହି ଜନମରେ
ମୋକ୍ଷ ଗତି ଯିବା ପାଇ l