ଗୁରୁ
ଗୁରୁ
ଗୁରୁ ଦିବସରେ ଗୁରୁଙ୍କ ପୟରେ
ବିନମ୍ର ପ୍ରଣତି ମୋର,
ଜ୍ଞାତଅଜ୍ଞାତରେ ଭୁଲ ହୋଇଥିଲେ
ସହୃଦୟେ କ୍ଷମାକର ।
ଗୁରୁବ୍ରହ୍ମା ଆଉ ଗୁରୁବିଷ୍ଣୁ ପୁଣି
ଗୁରୁଦେବ ମହେଶ୍ବର,
ସୃଷ୍ଟି ରଚନା ଓ ପାଳନ ସହିତେ
ସଂହାରର ସମାହାର ।
ଗୁରୁ ଶବଦରେ ଅଛି କି କୁହୁକ
ପାରେନାହିଁ ଜାଣି ମୁହିଁ,
ଶ୍ରବଣ ମାତ୍ରକେ ସେ ପାଦଯୁଗଳେ
ଯାଇଥାଏ ମଥା ନଇଁ ।
ଚଳନ୍ତି ଠାକୁର ଜ୍ଞାନର ସାଗର
ଗୁରୁ ନୁହନ୍ତିରେ ନର,
ଅଜ୍ଞାନ ତିମିର ଜୀବନୁ ଆମର
କରିଥାନ୍ତି ସିଏ ଦୃୂର ।
ଗୀତାରେ ଶ୍ରୀକୃଷ୍ଣ ସଖା ଅର୍ଜୁନଙ୍କୁ
ଦେଇଛନ୍ତି ସଦଜ୍ଞାନ,
ଗୁରୁଙ୍କ ବିହୁନେ ମିଳେ ନାହିଁ କେବେ
ଜୀବନରେ ଦିବ୍ୟଜ୍ଞାନ ।
ଜ୍ଞାନର ଆଲୋକେ ଜୀବନକୁ ଆମ
କରନ୍ତି ଆଲୋକମୟ,
ଜୀବନଯାତ୍ରାରେ ହୁଅ ଅଗ୍ରସର
ତାଙ୍କ ପାଦେ ରଖି ଲୟ ।