ଗୋଲାପ ସ୍ୱର୍ଗ

ଗୋଲାପ ବର୍ଷା ରେ ଭିଜୁଥିଲୁ ଆମେ ଦୁହେଁ।

ଭିଜୁଥିଲା ସାରା ରାସ୍ତା।

ଦୋକାନ, ବଜାର, ତା'ର ସହର , ମୋର ସହର ଓ

ସାରା ଉପତ୍ୟକା।

ଗୋଲାପ ଫୁଲର ପାଖୁଡ଼ା ରେ ଆମେ ଗୋଟିଏ ଘର କରିବା।

ସେ ପ୍ରସ୍ତାବ ଦେଲା

ସେ ଘର ର ନାଁ ରୋଜ୍ ରେଭେନ୍ ହେଲା।

ମାନେ ଗୋଲାପ ସ୍ୱର୍ଗ ।

ଏମିତି ଥିଲା ରୋଜ୍ ରେଭେନ୍ ର ପରିକଳ୍ପନା

ଆଜି ମୋ ' ଚାରିଆଡ଼େ କେତେ ନିର୍ଜନ ତା ।

ତଥାପି

କିଛି ଗୋଲାପ ତା'ର ଆଖି ର ବର୍ଷାରେ ଓଦା ହୁଏ

କିନ୍ତୁ ମୋ ' ଛାତି ର ଲଘୁଚାପ ରେ ବତୁରିଯାଏ ।

ଆଉ ଅବଶିଷ୍ଟ ଗୋଲାପ ଭାସିଯାଏ

ଆମ ଦୁହିଁଙ୍କର ସ୍ୱପ୍ନ ନଦୀରେ..... ।