ଗୋଲାପ ଦିବସ

ଆ ଫୁଲେଇ    ଗୋଲାପ ଦେବି

   ଗୋଲାପି ଦିନ ଆଜି

ନନ୍ଦନ ବନୁ      ଆଣିଛି ତୋଳି

    ଗୋଲାପ ଟିଏ ଖୋଜି ।

ଗୋଲାପ ପରି    ସୁନ୍ଦର ପରା

    ପ୍ରିୟା ତୋହରି ମନ

ଗୋଲାପି ଝିଅ ତୁ ଲୋ ପ୍ରିୟା

   ଗୋଲାପି ତୋ ଯୌବନ ।

ଗୋଲାପି ଓଠେ କହୁଛୁ ଯେବେ

   ଶୁଣ ଗୋ ଧନ ମୋତେ

ପାରୁଛି ଜାଣି   ପ୍ରିୟା ଲୋ ମୁହିଁ

    ଭଲପାଉ ତୁ କେତେ ।

ସେଇଥି ପାଇଁ    ଆସିଛି ଧାଇଁ

   ହାତେ ଗୋଲାପ ଧରି

ପାଳିବା ପାଇଁ    ପ୍ରେମ ଦିବସ

    ନକରି ଜମା ଡେରି ।

ଆଉ ଉଛୁର     କରନି ଜମା

   ଆସେ ପାଖକୁ ଚାଲି

ନେ ଗୋଲାପ   ଶୁଭେଚ୍ଛା ସହ

    ପ୍ରେମ ପରଶ ଢାଳି ।