ମୋ ପ୍ରିୟତମ

ନୟନରୁ ନୀର ବହେ ନିରନ୍ତର

ଚାତକରେ ରହି ଆଜି

କେଉଁ ଦୂର ଦେଶେ ପ୍ରିୟତମା ମୋର

ତକିଆ ଗଲାଣି ଭିଜି |

       ସପନରେ ଆସି କହୁଛି ପ୍ରିୟା 

       ଶୁଣ ମୋର ଏହି କଥା

      ତୁମର ହେଲେ ହେବି ଆଉ କାହାର ନୁହଁ

      ମରିଗଲେ ପଛେ ମରି ଯିବି ମୁଁ

      ବଞ୍ଚିବିନି ଅଯଥା |

ମୃତ୍ୟୁ ନୁହେଁ ପ୍ରିୟା ଏହି ଛାତିରେ

ତୋଳିବି ତୁମରି ଘର

ମୋହରି ହୋଇବ ସାଇତି ରଖିବି

କରିବିନି କେବେ ପର |

       ମିଛରେ ମିଛରେ କହନି ଏମିତି

       ଆଗରୁ ତମେ ସ୍ଵାର୍ଥପର

       ଯଦି ରଖିବ ସାଇତି କରି

       ମୁଣ୍ଡ ଛୁଇଁ ପ୍ରତିଜ୍ଞା କର |

ପ୍ରତିଜ୍ଞା କରୁଛି ସଜନୀ ମୋହର

ଛୁଇଁବିନି ମୁଣ୍ଡ କେବେ

ସାଇତି ରଖିବି ହୃଦୟେ ତମକୁ

ଛାଡିବିନି ପାଖ ତେବେ |

       ବିଶ୍ୱାସ ହେଉନି କରିବି କେମିତି

       ତମ ହୃଦୟରେ ଯେ ମୁଁ ଅଛି

       ପ୍ରତିଜ୍ଞା କରୁଛ ମୁଣ୍ଡ ନ ଛୁଇଁ

       ହୃଦୟକୁ ଆଘାତ ଦେଉଛି |

କିଏ ଜାଣେ କେବେ ହୋଇଯାଏ ପ୍ରେମ

କାହାକୁ ଥାଏ ଯେ ଜଣା

ମୁଣ୍ଡ ଛୁଇଁ ଦେଲେ ପ୍ରେମ କମିଯିବ

ହୋଇଯିବି ବାଟ ବଣା |

       ମାରୁଛି ଉଙ୍କି ମନରେ ଆଜି

       ତମ ପାଇଁ ଏଇ ପ୍ରଶ୍ନ

       ହୃଦୟରୁ ଯଦି ଭଲ ପାଅ ମତେ

       କୁଆଡେ ଥିଲ ଏତେ ଦିନ |

ଅଜଣା ରାଇଜେ ରହିଥିଲି ମୁହିଁ 

ନ ଥିଲା ତମ ଠିକଣା

ଆସିଗଲ ତୁମେ ଜୀବନେ ମୋହର

ହେବି ନାହିଁ ବାଟ ବଣା |

       ଖୋଜିଲି ଖୋଜିଲି ପାଇଲିନି ଜମା 

       କେତେ ମତେ ହଇରାଣ କଲ, 

       କଉଠି କେଜାଣି ଲୁଛି ଯାଇଥିଲ

       ବହୁତ ବିଭ୍ରାନ୍ତ କରିଲ | 

ଦେଖିଦେଖ ଥରେ ହୃଦୟ କନ୍ଦରେ

ପାଇବ ଠିକଣା ମୋର

ବିଭ୍ରାନ୍ତ ହୁଅନି ଆଲୋ ସୁଲୋଚନା

ରହିଛ ହୃଦୟେ ମୋର |