ପ୍ରେମ
ପ୍ରେମ
1 min
363
ପ୍ରେମ କରିଥିଲେ ରାଧା କୃଷ୍ଣ ଦୁହେଁ
ପ୍ରେମ କରିଥିଲା ମୀରା
ପ୍ରେମ ବୁଝି ଥିଲେ ଲଇଲା ମଜନୁ
କେଦାର ଗଉରୀ ପରା ।
ପ୍ରେମ ନୁହେଁ ଖାଲି କାମନା ବାସନା
ପ୍ରେମ ଅଟେ ଚିରନ୍ତନ
ପ୍ରେମ ସତ୍ୟ ଶିବ ସୁନ୍ଦର ଅଟଇ
ପ୍ରେମ ଭାରି ବଳିୟାନ ।
ପ୍ରକୃତି ପ୍ରେମ ରେ କବି ର କବିତା
ହୁଅଇ ତ ସୁମଧୁର
ସଙ୍ଗୀତ ପ୍ରେମ ରେ ସଙ୍ଗୀତଜ୍ଞ ବାଇ
ଗାଇଯାଏ କେତେ ସୁର ।
ସନ୍ତାନ ପ୍ରେମରେ ମାତାପିତା ଦୁହେଁ
ଲଭନ୍ତି ସରଗ ସୁଖ
ପ୍ରେମେ ଆଉ କିଏ ଛଟପଟ ହୁଏ
ଡାକି ଆଣେ କେତେ ଦୁଃଖ ।
ପବିତ୍ର ପ୍ରେମରେ କଳଙ୍କ ନଥାଏ
ଭାଇ ଭଉଣୀ ର ପ୍ରେମ
ବନ୍ଧୁ ପ୍ରେମ ପରା କୃଷ୍ଣ ସୁଦାମାର
ନୁହଁଇ କେବେ ମଳୀନ ।
ପ୍ରେମିକ ପ୍ରେମିକା ମନ ର ମିଳନ
କଳୁଷିତ ନୁହଁ ଜାଣ
ପ୍ରକୃତି ପୁରୁଷ ହୋଇ ପ୍ରେମାଶକ୍ତ
ସଂସାର କଲେ ଭିଆଣ ।