ଘଟଣା ଦୁର୍ଘଟଣା
ଘଟଣା ଦୁର୍ଘଟଣା
ଘଟଣା ବହୁଳ ଜୀବନ ଜଞ୍ଜାଳ
ଦୁଃଖ ସୁଖ ମିଶାମିଶି
ଜ୍ଞାତ ବା ଅଜ୍ଞାତେ ହୁଏ ଉପନୀତ
ଆଖି ପିଛୁଳାକେ ଆସି
ଆନନ୍ଦ ମୂର୍ଚ୍ଛନା ସୁଖ ଘଟଣାରେ
ଆପେ ଆପେ ଓଠେ ହସ
ଆନନ୍ଦରେ ଲୋଟି ମନ ଉତ୍ଫୁଲିତ
ଉପଭୋଗ୍ୟ ଯୁକ୍ତ ରସ
ଜୀବନର ସୁଦୀର୍ଘ ପଥରେ ପଥିକ
ଭେଟ ହୁଅଇ ଘଟଣା
ବେଦନା ଭରା ଘଟଣା ମନେ ହୁଏ
ସତେ ଅବା ଦୁର୍ଘଟଣା
ବିନା ସୂଚନାରେ ଘଟଣାର ଜନ୍ମ
ନାହିଁ ନିଜସ୍ଵ ଠିକଣା
ଅକସ୍ମାତ ଘଟି ଯାଏ ସବୁକିଛି
ଘଟଣା ବା ଦୁର୍ଘଟଣା
ଦୁର୍ଘଟଣା ରୂପେ ଆକସ୍ମିକ ଘଟଣା
ବୁଦ୍ଧି ହୁଏ ବାଟବଣା
କିଏ କହେ ଭାଗ୍ୟରେ ହିଁ ଲେଖା ଥିଲା
ଦେଖିବାକୁ ଦୁର୍ଘଟଣା
ପ୍ରତ୍ୟେକ ଘଟଣା ଘଟେ ଆପେ ଆପେ
ଭଲ ହେଉ ଅବା ମନ୍ଦ
ଦୁଃଖ ସମସ୍ୟା ହୋଇଲେ ଭୟାବହ
ଘଟଣା ପାଇଁ ବିଷାଦ
ଘଟଣା ସୁଖପ୍ରଦ ରେ ଜାତ ଆନନ୍ଦ
ମନ ରହେ ଚିରଦିନ
ଘଟଣା ଜନିତ ଦୁଃଖ ଓ ସମସ୍ୟା
ଦୁର୍ଘଟଣା ଭାବେ ଗଣ୍ୟ
ପ୍ରତ୍ୟେକ ଘଟଣା ନୁହେଁ ଦୁର୍ଘଟଣା
ଜୀବନର ଚଲାପଥେ
ଦୁର୍ଘଟଣା ଜୀବନର ଭିନ୍ନ ମୋଡ
ଦୁଃଖ ବିପଦ ସହିତେ ।
ଜୀବନର ଡଙ୍ଗା ଭାସି ଚାଲୁଅଛି
ସଂସାର ଦରିଆ ଜଳେ
ଅମାପ ଗଭୀର ଅଥଳ ଜଳଧି
ଜଞ୍ଜାଳ ତରଣି ମାଳେ
ସମୟ ର ବାଆ ପଛରୁ ଠେଲୁଛି
ଡଙ୍ଗା ଭାସି ଭାସି ଯାଏ
କେତେ ଝଡ ବାତ୍ୟା ହୁଏ ସମ୍ମୁଖୀନ
ହିସାବ ରଖି ନ ହୁଏ
ଘୋଟି ଆସେ ଯେବେ ଘନ ଅନ୍ଧକାର
ଡଙ୍ଗା ହିଁ ମାତ୍ର ଆଶ୍ରୟ
ନିର୍ମଳ ହୋଇଲେ ଆକାଶ ମଣ୍ତଳ
ଜୀବନ ହୁଅଇ ଥୟ
ଡଙ୍ଗା ବୁଡି ଗଲେ ଦରିଆ ଭିତରେ
ଜୀବନ ଯାତ୍ରା ସରିବ
ଦରିଆ କେବଳ ଲହରୀ ସାଥିରେ
କିଏ କାହାକୁ ଖୋଜିବ
ପଥିକ ବେଶରେ ଆସି ଏ ସଂସାରେ
ପଥଚାରୀ ପଥେ କ୍ଳାନ୍ତ
ବୃକ୍ଷ ରୂପୀ ପୃଥ୍ବୀ ଛାୟାରେ ଆଶ୍ରୟ
ପଥ ଯେବେ ଭାରାକ୍ରାନ୍ତ
ଫେରିବାକୁ ହେବ ଆପଣା ପଥରେ
ବୃକ୍ଷ ଥିବ ମାତ୍ର ରହି
ବୃକ୍ଷକୁ ନିହାତି ନିଜର କରିବା
କାହାର ବି ସାଧ୍ୟ ନାହିଁ
ପ୍ରକୃତିର ଖେଳ ହେଉଅଛି ନିତି
ନିମିଷକେ ଖେଳେ ଖେଳ
ଘଟଣା ଦୁର୍ଘଟଣା କେଉଁ ପ୍ରକାର
ଭାବିବାକୁ ନାହିଁ ବେଳ ।