ଗଛ ର କାହାଣୀ ଛାଇ ର କଥା

     ଗଛର କାହାଣୀ ଛାଇର କଥା

     ଚଇତି ପବନ ଚନ୍ଦନ ଚିତା

    ଚେର ମୂଳି ଆଉ ଜଡିବୁଟି ପୁଣି

     ପୋଥି ପତର ଓ କାଗଜ ଖାତା

     ସବୁଠି ଲେଖାରେ ସବୁଠି ଲେଖା

     ଗଛର କାହାଣୀ ଛାଇର କଥା l

     ମେଘକୁ ଦେଖାଏ ବରଷା ବାଟ

     ଫଗୁଣ ସକାଳେ ଫୁଲର ହାଟ

   ଭୂଇଁ ତଳେ ତଳେ ପାଣିତ ଉଛୁଳେ

    ଜଗତ ଗାଏରେ ଜଳର ଗାଥା

   ଓଠରେ ଓଠରେ ସବୁରି ଓଠରେ

     ଗଛର କାହାଣୀ ଛାଇର କଥା l 

   ସୂରୁଯର କୋପ ଯାଏରେ ଟଳି

    ମଧୁର ମହକ ହୁଅଇ ଢାଳି

   ମାଟି ମଥାନରେ ମୁକୁଳା ଆକାଶ

    ଖରାକୁ ଉଗାଳେ ପତର ଛତା

  ଆଖିରେ ଆଖିରେ ସପନ ମାଖେରେ

     ଗଛର କାହାଣୀ ଛାଇର କଥା l

   ଗଛ ବିନା କୁହ ଛାଇବା କାହିଁ

   ବରଷା ହେବନି ଶୁଖିବ ନଈ

   ମରୁଡି ଆସିବ କ୍ଷେତ ଉଜୁଡିବ

   ମଣିଷ ଭୁଲିବ ନିଜର ସତ୍ତା

  ବେଳତ ନଥିବ ଭାବିବାକୁ ଆଉ

   ଗଛର କାହାଣୀ ଛାଇର କଥା l l