ଲାଇବ୍ରେରୀ
ପ୍ରୋଫାଇଲ୍
ସବୁ ଭୁଲିଯାଏ ଦେଖୁଦେଖୁ ତୋତେ
ସବୁ ଭୁଲିଯାଏ ଦେଖୁଦେଖୁ ତୋତେ
1 min
45
ସବୁ ଭୁଲିଯାଏ ଦେଖୁ ଦେଖୁ ତୋତେ
କହିବାକୁ ମନେ ଭାବିଥାଏ କେତେ
ସବୁ ଭୁଲିଯାଏ ଦେଖୁ ଦେଖୁ ତୋତେ
କି ମନ୍ତର କହ ଜାଣିଛୁ କାଳିଆ
ଭୁଲେଇ ଦେଉରେ ମୋତେ।
ତୋ ଆଖିରେ ମୋର ମିଶିଗଲେ ଆଖି
ଆଖିରୁ ମୋ ଲୁହ ସବୁ ଯାଏ ଶୁଖି।
ତୋ ଆଗରେ ଟିକେ ଦୁଇ ବାହୁ ଟେକି
ନାଚିଗଲେ ଖୁସି ହୁଏ ପ୍ରାଣ ପକ୍ଷୀ।
ଆହାକି ଆନନ୍ଦ ଝରେ ମକରନ୍ଦ
ପାଖକୁ ତୋ ଗଲେ ସତେ...
ଦୀପଟିଏ ଜାଳି ମନକରେ ଅଳି
ଦେବୁ ରେ କାଳିଆ ତୋର ପାଦ ଧୂଳି ।
ଭାବ ଭକତିରେ ସେ ଧୂଳି ମୁଁ ଗୋଳି
ଦେହ ସାରା ମୋର ନିତି ହେବି ବୋଳି।
ନିମିଷ ମାତରେ ସବୁ ଯିବି ଭୁଲି
ଜୀବନ ଯାତନା ଯେତେ ।
