ଗୌତମ ବୁଦ୍ଧ
ଗୌତମ ବୁଦ୍ଧ
ଚିନ୍ତା ଚେତନାରେ ଧର୍ମ ଦର୍ଶନରେ
ଯାହାଙ୍କ ଅନ୍ତର ଶୁଦ୍ଧ
ଜ୍ଞାନର ଆଲୋକେ ମୋକ୍ଷର ଝଲକେ
ସେ ପୂଜ୍ୟ ଗୌତମ ବୁଦ୍ଧ l
ଗୌତମ ବୁଦ୍ଧଙ୍କ ପରିନିର୍ବାଣରେ
ବୌଦ୍ଧଧର୍ମ ପ୍ରସାରିତ
ବୈଶାଖ ମାସର ପୂର୍ଣ୍ଣିମୀ ତିଥିରେ
ବୁଦ୍ଧ ଜୟନ୍ତୀ ପାଳିତ l
କେବେ ଭୀମଭୋଇ ଏ ବୁଦ୍ଧ ଜୟନ୍ତୀ
ନିର୍ବାଣର ସାରେଗାମା
କେବେ ସେ ବୈଶାଖ କେବେ ସେ ଚନ୍ଦନ
କେବେ ସେ ବୁଦ୍ଧ ପୂର୍ଣ୍ଣିମା l
ପିତା ଶୁଦ୍ଧୋଦନ ମାତା ମାୟାଦେବୀ
କୋଳକୁ କରି ମଣ୍ଡନ
କପିଳବାସ୍ତୁର ଲୁମ୍ବୁନି ଉଦ୍ୟାନେ
ବୁଦ୍ଧ ହୋଇଥିଲେ ଜନ୍ମ l
ବିମାତା ଗୌତମୀ ଲାଳନେ ପାଳନେ
ଜୀବନର ରଙ୍ଗ ମାଖି
ଗୋପା ନାମ୍ନୀ ଏକ ରାଜକନ୍ୟାକୁ ସେ
ବାଛିଲେ ଜୀବନ ସାଥି l
ପ୍ରାର୍ଥନା ସାଧନା ଧ୍ୟାନ ଉପାସନା
ବିଶ୍ୱାସର ବୀଜ ବୁଣି
କାମନା ବିନାଶେ ଦୁଃଖର ବିନାଶ
ଅଟେ ବୁଦ୍ଧ ମର୍ମବାଣୀ l
ଆତ୍ମା ଶୁଦ୍ଧି ପାଇଁ ବୁଦ୍ଧଙ୍କ ତ୍ରିରତ୍ନ
ମୁକ୍ତିର ମହା ନିର୍ବାଣ
ସଦାଚାରଶୀଳ ତାଙ୍କରି ଆଶିଷ
ଅଟଇ ବିଶ୍ୱକଲ୍ୟାଣ l