ଦୀପଟିଏ ମତେ କରିଦିଅ ପ୍ରଭୁ

ଜୀବନ ଦୀପାଳି ମିଞ୍ଜି ମିଞ୍ଜି ଜଳେ

ସଂସାର ବତାସ ବାଧେ ।

ହେ କଂସାରି ମତେ ସଂସାରି କରିଲ

ଆତ୍ମା ଅହର୍ନିଶି କାନ୍ଦେ ।

ମନୁଷ୍ୟ ଜୀବନ ବଡ଼ ହୀନିମାନ

କେହି ନୁହେଁ ଆପଣାର।

ମୋର ମୋର କହି ସଭିଙ୍କୁ ଆଦରି

ତୁଚ୍ଛ ଜୀବନ ଟା ମୋର।

ତୁମ ପାଦ ତଳେ ଏତିକି ମିନତୀ

ହେ,କଳାକାହ୍ନୁ ଗୋସାଇଁ।

ଜୀବନ କୁ, ମୋର ପ୍ରଦୀପଟେ,କର

ଶ୍ରୀମନ୍ଦିରେ ଜଳୁଥାଇଁ ।

ଆଶାକୁ,ମୋହର ସଳିତା କରିବ 

କାମନାର ହେଉ ନାଶ ।

ବିଶ୍ବାସକୁ‌ ମୋର ଘୃତ କରିଦିଅ

ଜଳୁଥିବି ଜଗଦୀଶ।

ସଂସାର କଷଣ ସହିପାରୁନାହିଁ 

ମୋକ୍ଷ ଚାହୁଁଛି ଧରାରୁ ।

ମନବାଞ୍ଛା ମୋର ପୂରଣ କରିବ

ମୋହ,ମାୟା ଦୁନିଆରୁ ।

ଜୀବନ କୁ, ମୋର ଦୀପାଳି କରିଛି

ତଥାପି ସରୁନି ଦୁଃଖ।

ତୁମ ପାଦ ତଳେ ଶରଣ ପଶୁଛି

ରକ୍ଷାକର କଳାମୁଖ ।

ଦୀପ ଟିଏ ମୋତେ କରିଦିଅ ପ୍ରଭୁ

ଲଭିବି ଅପାର ଶାନ୍ତି।

ସଂସାର ଦୀପରୁ ଘୃତ ସରିଲାଣି

ଏତିକି କାମନା ମୁକ୍ତି ।