ଦୀପ ଆଲୋକରେ ସଜାଅ ଘର

ଦେବ ଦୀପାବଳୀ ଆମରି ଗୌରବ

ସଙ୍ଗେ ଆଣିଅଛି ଗୌରବ ଗାଥା

ସଂସ୍କାର ପୋଟଳି ତତ୍ତ୍ଵର ମହକ

ଭରି ଅଛି ପରା ଜୀବନ ଅସ୍ଥା । 

ଦୀପାବଳୀ ଆସି ଅଛି ସଙ୍ଗୀତରେ

ଶ୍ରଦ୍ଧାର ସୁମନ ମହକ ନେଇ

ଆମ ଐତିହ୍ୟ ର ସ୍ମୃତି ଚାରଣ ରେ

ନିଜକୁ ସେ ଭାଗ୍ୟବାନ ମଣଇ ।

ଦୀପାବଳୀ ଜାକ ଦୀପ ଆଲୋକକୁ

ଆସ ସଜାଇବା ଦୀପରେ ଘର

ଦୀପ ଦେଇଅଛି ଜୀବନର ବାର୍ତ୍ତା

ଶିଖିଲେ ବ୍ୟକ୍ତିତ୍ଵ ହେବ ସୁନ୍ଦର ।

ଜୀବନର ଦୀପ ଜଳି ଜଳି ଯାଏ

ଆୟୁଷର ତେଲ ସରି ଯାଉଛି

ସଳିତା କହୁଛି ଜୀବନକୁ ବୁଝ

ନିଜେ ଜଳି ଆଲୋକ ବାଣ୍ଟୁ ଅଛି ।

ଜୀବନ ରୁ ଆମେ ଅନ୍ଧାରକୁ କାଢ଼ି

ଆଲୋକ ଭରିବା କଥା କହୁଛି

ଖୁସୀ ବାଣ୍ଟି ବାଣ୍ଟି ସନ୍ତୋଷ ସାଉଁଟି

ଶାନ୍ତି ସ୍ଵାଦ ଚାଖିବାକୁ କହୁଛି ।

ଆୟୁଷ ବୟସ ସରି ଯାଉଅଛି

ସଂସ୍କାର ଜୀବନ ବିତାଇ ଦେବା

ମଣିଷ ଜୀବନ ସାର୍ଥକ ହୋଇବ

ସଂସ୍କାରୀ ମଣିଷ ଟିଏ ହୋଇବା ।

ଦୀପ ସଜାଇବା ଘର ଓ ବାହାରେ

ମନ ଅନ୍ଧକାର ଦୂରେଇ ଦେବା

ବେଳ ଥାଉ ଥାଉ ଜୀବନକୁ ବୁଝି

ମଣିଷ ଜନ୍ମ ସାର୍ଥକ କରିବା ।

ଦୀପ ଆଲୋକରେ ଏ ମନ ମନ୍ଦିରେ

ସଂସ୍କାର ଶିଳାଟେ ପକାଇ ଦେବା

ବ୍ୟକ୍ତିତ୍ଵ ହୋଇବ ସରସ ସୁନ୍ଦର

ପ୍ରଭୁଙ୍କର ପ୍ରିୟ ପାତ୍ର ହୋଇବା ।