ଲାଇବ୍ରେରୀ
ପ୍ରୋଫାଇଲ୍
ଦି ଟୋପା ଲୁହ
ଦି ଟୋପା ଲୁହ
1 min
130
ଛାତିର ଅତଳ ଗର୍ଭରୁ
ଶାମୁକା ପରି ଦୁଇ ଆଖିରୁ
ଝରିଆସେ ଚିକ୍ ମିକ୍ ମୁକ୍ତା
କୋହର ଉତ୍ତାଳ ଜୁଆର
ମାଡିଯାଏ ଗାଲ ଓଠ ଦେଇ
ଓଦାକରେ ତଳେ ଥିବା ମାଟିତକ
ଲୁହର ଗଭୀରତା କଣ ମାପିହୁଏ
ସେ ତ୍ ଉଭା ଯେତେ ପୋତା ସେତେ
ଝରଣା ପରି ଅଚାନକ ଫିଟିପଡେ
ହୃଦୟର ପାହାଡକୁ ଫଟାଇ
ମିଶିଯାଏ କେଉଁ ଅନନ୍ତ ସାଗରେ
ହାଲୁକା ହୋଇଯାଏ ଦେହ ଆଉ ମନ
ଲୁହ ଭାଙ୍ଗି ପାରେ
ରାଗ ଅଭିମାନ ଗର୍ବ ଅହଂକାର
ଅନୁତାପର ଜ୍ଵଳନ୍ତ ନିଆଁରେ
ଦି ଟୋପା ଲୁହ
ପୋଡିଦିଏ ସୁବର୍ଣ୍ଣପୁର
କଡ ଲେଉଟା ଦିଏ ଇତିହାସର
ଲୁହକୁ ପିଇ ଜିଇଁ ହୁଏ କିଛିଦିନ
ଲୁହରେ ବି ଜଳେ ଦୀପାଳୀ
ଲୁହରେ ବି ଭରିଥାଏ ଅନେକ ଖୁସି
ଲୁହ ପଛେପଛେ ହସ ଆସୁଥାଏ
ଛାଇ ଆଲୁଅର ଲୁଚକାଳି ପରି
ତରଳାଇଦିଏ ହୃଦୟ ପାଷାଣର
