ଉଡି ଯିବି

ଉଡିଯିବି ମୁହିଁ ଗଗନକୁ ଡେଇଁ

   ଚନ୍ଦ୍ରଯାନର ପରେ

ଜହ୍ନ ରାଇଜରେ ପ୍ରିୟ ମୋର ଅଛି

  ତା'ର ମନ ମୋତେ ଝୁରେ   ll

ଆଶା ଅସୁମାରୀ ଏ ମୋର ପରାଣେ

    ମାପି କେ ପାରିବ ନାହିଁ

ଅସୀମ ଆକାଶେ ବିହଙ୍ଗଟେ ପରି

     ସଦାବେଳେ ଉଡୁଥାଇ   ll

ସର୍ବଦା ସଂକଳ୍ପେ ରତ ଥାଇ ମନ

  ସପନ ସାକାର ପାଇଁ

ଡେଣାକୁ ଉଡାଇ ନିତି ବୁଲୁ ଥାଇ

   ପ୍ରେମକୁ ଛୁଇଁବା ପାଇଁ     &

Advertisement

nbsp;ll

ସପନର ମଞ୍ଜି ହେବ ଅଙ୍କୁରିତ

  ହୃଦୟ ତଳକୁ ଆଡେଇ

ମୋ ମନ ସଉଦାଗର ଆସିବ ସେ

  ଆଶାର ଆଲୋକ ଜଳାଇ   ll

ଉଚ୍ଚ ଅଭିଳାଷା ନ କରେ ନିରାଶା

   ରୂପ ନିଏ ବାସ୍ତବତା

ଲଙ୍ଘୀ ବନ ଗିରି ଅତଳ ସାଗର 

   ପାଏ ପୁଣି ସଫଳତା     ll

ନୂତନ କୌଶଳ ଜନ ଅଟ୍ଟହାସ୍ୟ

   କରେ ସଦା ଅନୁଧ୍ୟାନ

ଆଶା ଆକାଂକ୍ଷାକୁ ଜୀବନ୍ତ କରାଏ

  ପ୍ରତିଜ୍ଞା କରେ ପୂରଣ     ll