ଚଉପଦୀ (୧)
ଚଉପଦୀ (୧)
୧
ଗୁମାନ ତେଜ ସଜନୀରେ,
ମାନ ଭାଙ୍ଗ ଅଭିମାନିନୀ;
ତୋ ପାଦ ପାଉଁଜି ଝୁଣ୍ଟିଆ ଅଳତା
ରଙ୍ଗେ ମାରଶର ଆଉ ମାରନି; ଗୁମାନ ତେଜ...।।
୨
କୃଶୋଦରୀ ସିଂହ କଟିରେ ମେଖଳା,
ଝିଲିମିଲି ପାଟ ଦିଶଇ ତୋରା;
ଉରଜ ପଙ୍କଜ ନବୀନ କଳିକା
ଫୁଲଶର ଛଟପଟ କଲାଣି, ଗୁମାନ ତେଜ...।।
୩
ବଧୂ ବେଶେ ମଧୁ ଝରା କୋଟି ଇନ୍ଦୁ,
କପୋଳେ ଝଟକେ ସିନ୍ଦୂର ବିନ୍ଦୁ;
ଗୋଲାପୀ ଅଧର ଚିବୁକ ସୁନ୍ଦର
ଚୁମ୍ଵନ ପିଆସି ମୀନ ନୟନୀ, ଗୁମାନ ତେଜ...।।
୪
ନକର ବିମନା ଗୋ ନୀଳ ନୟନା
ଆଉତୁ ନକର ସହୀ ଛଳନା
ପିଆସି ଭ୍ରମର ସେତ ମଧୂ ଚୋର
ଫୁଲ ଶର ଆସି ମାରି ଦେଲାଣି, ଗୁମାନ ତେଜ...।।