ଅଦିନ ଝଡ
ଅଦିନ ଝଡ
ଝଡ ତ ଝଡ ଅଦିନ ଝଡ ଇତସ୍ତତଃ ଛାରଖାର
ବଦଳାଇ ଦିଏ ଭୌଗଳିକ ସୀମା ଭାଙ୍ଗେ ଯୌଥ ପରିବାର
ପରାଭବ ତାହାର ଅତି ଭୟଙ୍କର ଖଣ୍ତିଆ ଭୂତ
ସାମାଜିକ ସ୍ଥିତି ଦୋହଲାଇ ଦିଏ ଜନମନ ସ୍ତମ୍ଭିଭୂତ
(କରେ)ତଳିତ୍ରାନ୍ତ ନାରଖାଊ ।
ସହସା ଆସେ ଅବେଳଟାରେ ଭୟଙ୍କର ରୂପ ଧରି
ଅଶେଷ ବିଶ୍ଵାସ କୁଟା କାଠି ନୀଡ ଅସ୍ତିତ୍ବ କୁ ଦିଏ ଚୁରି
ହସୁଥାଏ କାଳ କଙ୍କାଳ ପରେ ଦୁର୍ବାର ଅଟ୍ଟହାସ୍ୟ
ନିଶ୍ଚିହ୍ନ କରଇ ହଜାଇ ଦିଅଇ ପ୍ରକୃତି ଅରୂପ ଦୃଶ୍ୟ
(ତାର)ମହାକାଳ ସହଚର ।
ଘୋର ଅନୀଳ କଳା ବାଦଲ ଅବେଳେ ଅନ୍ଧାର ଘୋଟେ
ରଚେ ଧ୍ଵଂସ ଲୀଳା ଅନେକ ଜୀବନ ଅଦିନେ ଭୂମିରେ ଲୋଟେ
ପ୍ରକୃତି ର ଏହି ପ୍ରଳୟଙ୍କରୀ ବିସ୍ମୟ ଭିନ୍ନ ରୂପ
ଅଦିନେ ଅବେଳେ ଅକାଳେ ଆସି କରେ ସମାଜକୁ ବିଦ୍ରୁପ
ଅଦିନ ଝଡ (ବଡ) ଦୁର୍ବାର ।
ଯେହ୍ନେ ଦୁର୍ବଳ ଉପରେ ହୁଏ ସବଳର ଅତ୍ୟାଚାର
ନୀରିହ ପ୍ରକୃତି ଉପରେ ଅଦିନ ଝଡ କୃର ବ୍ୟବହାର
ରଚେ ବିଭ୍ରାଟ ହଜାଈଦିଏ ଅମୂଲ୍ୟ ବିରଳ ଚିତ୍ର
ଯେବେ ମାଡିଆସେ ଅଦିନିଆଁ ଝଡ ଜୀବ ଜଗତ ବିବ୍ରତ
(ସେତ) ଭାଙ୍ଗେ ସୁନାର ସଂସାର ।
ଅସ୍ମିତା ହଜେ ଜାତି ଦୁଃସହ ଦୁର୍ଗମେ ଗତିକରେ
ଅଦିନ ଝଡର ଇଗଲ ବିହଙ୍ଗ କାଳାନ୍ତକ ରୂପ ଧରେ
ଅମଣିଷ ପଣିଆର ପୁରସ୍କାର ପ୍ରାୟଶ୍ଚିତ ପାଇଁ
ଅବମାନନା ର ପ୍ରତିଦାନ ଘେନ ସାବଧାନ ହୁଅ ଭାଇ
(ତୋର) ଅଛି ଯଦି ବଞ୍ଚିବାର ।
ବଦଳିଯାଏ ଜୀବନ ମୋଡ କାଳର କରାଳ ସ୍ରୋତେ
ନିୟତି ହାତରେ ଜୀବନ ଦଉଡ଼ି ଖେଳଇ ସମୟ ସାଥେ
ରାତିର ସପନ ନେଇଯାଏ ଲୁହର ଶ୍ରାବଣ ଧୋଇ
ଅଦିନ ଝଡରେ କହଇ ପ୍ରଫୁଲ୍ଲ ସୁଖ ଲୁଚିଯାଏ କାହିଁ
(ମୋଡ) ବଦଳଇ ଜୀବନର ।