ଚକୁଳିଆ ପଣ୍ଡା

ହଜିଲାଣି ଏବେ ବିପୁଳ ବିଭବେ

ଭରା ସାଂସ୍କୃତିକ ଭାବ

ଓଡ଼ିଆ ଜାତିର ଜୀବନ ସଭ୍ୟତା

ଚଳଣୀ ଅତି ଅପୂର୍ବ ।

ରାଶି ରାଶି କଳା କୀର୍ତ୍ତି ସୁବିପୂଳା

ସଂସ୍କୃତି ମଧୁର ତର

ଗ୍ରାମ୍ୟ ଜୀବନର ପରିଚାୟକ ଯେ

ନାନା ରସେ ଭର ପୁର ।

ଧର୍ମ ମାସ ଭାବେ  କାର୍ତ୍ତିକ ମାସରେ 

ପାଳନ୍ତି କାର୍ତ୍ତିକ ବ୍ରତ

ଗାଆଁ ଚହାଳୀରେ ଚକୁଳିଆ ପଣ୍ଡା 

ବୁଲି ଗାଇ ଥାନ୍ତି ଗୀତ ।

ନାନ୍ଢୀଆ ନଟିଆ ଆମ୍ଭେ ବେନି ଭେଣ୍ଡା

ସାଜି ଚକୁଳିଆ ପଣ୍ଡା

ଧରମ ବେଉସା କରି ବୁଲୁ ଅଛୁ

ନିତି ନାନା ଗାଆଁ ଗଣ୍ଡା ।

ମାଗୁ ନାହୁଁ ଆମେ ରତ ଧର୍ମ କାମେ

କରରେ ଧରି କି ଥାଳ

କିଣି ନିଅ ଧର୍ମ ଯେ ଯାହା ପାଉଛ

ଆଣି ଏଇ ଥ।ଳେ ଢାଳ ।

କାଖେ ଆମ ଛତା କାନ୍ଧ ରେ ପଇତା

କରରେ ବରଡା ଛତା

ଝୁଲା , ଝୁଲି , ମୁଣି , ଥଳୀ କେତେ ଧରି

ନାଇଛୁ କପାଳେ ଚିତା ।